కాంతారపై బాలీవుడ్ కాంట్రవర్శి నటి షాకింగ్ కామెంట్స్?
కన్నడ కళాఖండం 'కాంతార' చిత్రం ప్రస్తుతం యావత్ దేశాన్ని బాగా ఊపేస్తుంది. సినిమాలో కంటెంట్ కరెక్ట్గా ఉంటే, ఎలాంటి భాషలో అయినా ఆడియెన్స్కు కనెక్ట్ అవుతుందని మరోసారి ఈ చిత్రం ప్రూవ్ చేసింది.రిషబ్ శెట్టి స్వీయ దర్శకత్వంలో హీరోగా తెరకెక్కించిన ఈ సినిమా ప్రేక్షకులను అలరించడంలో సక్సెస్ కావడంతో భాషతో సంబంధం లేకుండా అన్ని ఇండస్ట్రీల్లో కూడా ఈ సినిమాకు ప్రేక్షకులు పట్టం కడుతున్నారు.కామన్ ఆడియెన్స్ మొదలుకొని సెలబ్రిటీలు వరకు ఈ సినిమాను ఆకాశానికెత్తుతున్నారు. తాజాగా కాంతార చిత్రంపై ప్రశంసల వర్షం కురిపించింది బాలీవుడ్ స్టార్ బ్యూటీ కంగనా రనౌత్. తన కుటుంబ సభ్యులతో కలిసి ఈ సినిమా చూశానని.. ఈ సినిమా ఇంకా తన మదిలోనే మెదులుతుందని.. ఇది ఖచ్చితంగా అద్భుతమైన సినిమా అని ఆమె కొనియాడింది. సాంప్రదాయం, జానపద కథలు, దేశీయ సమస్యల సమ్మేళనమే ఈ సినిమా అని కంగనా పేర్కొంది.
ఇక ఈ సినిమాలో రిషబ్ శెట్టి రచన, యాక్టింగ్, డైరెక్షన్ నెక్ట్స్ లెవెల్లో ఉన్నాయని ఆమె తెలిపింది. ఇలాంటి సినిమాలు చాలా అరుదుగా వస్తాయని కంగనా చెప్పుకొచ్చింది.ఇక ఈ సినిమాను అక్టోబర్ 15న ప్రపంచవ్యాప్తంగా రిలీజ్ చేయగా, రోజురోజుకూ ఈ సినిమా అన్ని వర్గాల ప్రేక్షకులను అలరిస్తూ వస్తోంది. ఈ సినిమాలో సప్తమి గౌడ హీరోయిన్గా నటించగా, హొంబాలే ఫిలింస్ బ్యానర్ ప్రతిష్టాత్మకంగా ప్రొడ్యూస్ చేసింది. మరి ఈ సినిమా మున్ముందు ఎలాంటి రికార్డులు క్రియేట్ చేస్తుందో చూడాలి.ఇప్పటి దాకా ఈ సినిమా మొత్తం 130 కోట్లకు పైగా వసూళ్లు రాబట్టినట్టు సమాచారం తెలుస్తుంది. ఇక లాంగ్ రన్ లో ఈ సినిమా ఇంకెన్ని రికార్డులు కొల్లగొడుతుందో చూడాలి. తెలుగులో కూడా మంచి లాభాలతో దూసుకుపోతుంది.కంగనా ప్రస్తుతం సౌత్ ఇండియన్ మూవీస్ పై పాజిటివ్ కామెంట్స్ చేస్తుంది. బాలీవుడ్ అవకాశాలు తగ్గడంతో ఇలా సౌత్ మూవీలపై బిస్కెట్లు వేస్తుందని నెటిజన్స్ ఆమెను ట్రోల్ చేస్తున్నారు.