గ్యాస్ సిలిండర్ తీసుకుంటే ఆర్ఆర్ఆర్ మూవీ టిక్కెట్లు ఉచితం..ఎక్కడంటే?
వివరాల్లొకి వెళితే.. ఆంధ్ర ప్రదేశ్ గుంటూరు జిల్లాలో ఈ ప్రచారం జరుగుతుంది..దుగ్గిరాలలోని హెచ్.పి కంపెనీ గ్యాస్ డీలర్ ఈ ఆఫర్ తీసుకువచ్చారు. సింగిల్ సిలిండర్ వినియోగదారులు రెండో సిలిండర్ తీసుకుంటే ఆర్ఆర్ఆర్ మూవీ టిక్కెట్ ను ఉచితంగా ఇస్తామని బ్యానర్ పెట్టి ప్రచారం చేస్తున్నారు. సినిమా విడుదల అయిన రోజున ఇలా టిక్కెట్లను ఇంటికి వచ్చి ఇస్తామని చెబుథున్నారు. ఈ ఏజెన్సీ గతంలో బాహుబలి-2 చిత్రం సమయంలోనూ ఇలాగే ఫ్రీ టికెట్లు ప్రకటించింది.దుగ్గిరాల సరోజిని థియేటర్ లో వారు ఆర్ఆర్ఆర్ సినిమా చూసేందుకు టికెట్లను ఇంటికి వెళ్లి అందిస్తామని తెలిపారు..
కాగా, ఈ సినిమా టిక్కెట్లను పెంచుకొవచ్చు అని ఏపీ సర్కార్ గ్రీన్ సిగ్నల్ ఇచ్చిన సంగతి తెలిసిందే.ఈ సినిమా టికెట్పై మరో రూ. 75 పెంచుకునేందుకు అనుమతిస్తూ ఉత్తర్వులు జారీ చేసింది. మొదటి 10 రోజులు పెంపునకు అనుమతి ఇచ్చింది. ఈ సినిమాను రూపొందించడానికి 336 కోట్లకు పైగా ఖర్చు అయ్యిందని అంటున్నారు.సినిమా టికెట్ల ధరల పెంపు ప్రజలపై భారం లేకుండా చూస్తామని కూడా ఏపీ రాష్ట్ర సినిమాటోగ్రఫీ శాఖ మంత్రి పేర్నినాని ఇటీవలనే ప్రకటించారు.. మొత్తానికి ఈ సినిమా పై ధరలను పెంచారు.దాంతో హీరో ల అభిమానులు సంతోషం వ్యక్తం చేస్తున్నారు. మార్చి 25 న సినిమా విడుదల కానుంది..