విజిల్ మహాలక్ష్మి గా మారిన బేబమ్మ.. వైరల్ అవుతున్న ఫస్ట్ లుక్..!
ఇక ఇప్పటికే బంగార్రాజు , శ్యామ్ సింగరాయ్ వంటి సినిమాలతో మంచి విజయాన్ని అందుకున్న ఈమె ప్రస్తుతం ఈ ముద్దుగుమ్మ చేతిలో చాలా ఆఫర్స్ ఉన్నాయని చెప్పవచ్చు. ఇక ప్రస్తుతం ఆ అమ్మాయి గురించి మీకు చెప్పాలి.. ది వారియర్ వంటి చిత్రాలలో నటిస్తూ టాలీవుడ్ టాప్ హీరోయిన్ రేసులో దూసుకుపోతోంది ఈ ముద్దుగుమ్మ.. ఇకపోతే ఈ రోజు వాలెంటైన్స్ డే సందర్భంగా ది వారియర్ సినిమా నుంచి కృతి శెట్టి కి సంబంధించిన ఫస్ట్ లుక్ పోస్టర్ ను రిలీజ్ చేశారు సినిమా మేకర్స్. ఈ సినిమాలో హీరో రామ్ పోతినేని హీరోగా నటిస్తుండగా తమిళ డైరెక్టర్ లింగుస్వామి యాక్షన్ ఎంటర్టైనర్ గా ఈ సినిమాను తెరకెక్కిస్తున్నారు.
నిర్మాతలుగా శ్రీనివాస సిల్వర్ స్క్రీన్ బ్యానర్పై శ్రీనివాస చిట్టూరి భారీ బడ్జెట్తో ఈ సినిమాను నిర్మిస్తున్నట్లు సమాచారం.. ఇక తెలుగుతో పాటు తమిళంలో కూడా ఈ సినిమాను ఒకేసారి రిలీజ్ చేయబోతున్నట్లు సినిమా మేకర్స్ ప్రకటించడం జరిగింది. ఈ సినిమాలో కృతి విజిల్ మహాలక్ష్మి పాత్రలో నటించబోతోందని ఆమెకు సంబంధించిన పోస్టర్ ను కూడా ఈ రోజు విడుదల చేయడం జరిగింది.. ఈ పోస్టర్ లో కృతి శెట్టి జీన్స్ ,టీ షర్ట్ వేసుకొని.. స్లింగ్ బ్యాగ్ తో చాలా కూల్ గా స్కూటీ నడుపుతున్నట్లు మనం చూడవచ్చు. ఇకపోతే ఇందులో రామ్ పోతినేని పోలీస్ పాత్రలో మనకు కనిపించబోతున్నారు.