ఆ పాత్రలకు పెట్టింది పేరు రమ్య కృష్ణ..?
అంతలా మహర్దశ ఆమెను పట్టుకుంది అని చెప్పవచ్చు. ఆ తర్వాత వరుస సక్సెస్ లతో దూసుకుపోయిన రమ్యకృష్ణ కొన్ని పాత్రలకు పెట్టింది పేరు అన్నట్టుగా మారిపోయింది.. ముఖ్యంగా లేడీ హీరోయిన్లను మాత్రమే చూసాము కానీ లేడీ విలన్ గా గుర్తింపు పొందింది మాత్రం రమ్యకృష్ణ. ఇక నీలాంబరి సినిమాలో ఈమె నటనకు ఎన్ని అవార్డులు ఇచ్చినా తక్కువే అని అనిపిస్తుంది. కళ్ళల్లో ఉట్టిపడే రాజసం.. తన నటన ఉగ్రరూపం ప్రేక్షకుల వెన్నుల్లో భయం పుట్టించేలా అనిపిస్తాయి. ఇక రమ్య కృష్ణ లో ఉన్న నటనా ప్రతిభకు నీలాంబరి సినిమా అద్దం పడుతుంది అని చెప్పడంలో ఎటువంటి సందేహం లేదు.
ఎప్పుడు అల్లరిగా దూసుకుపోయే రమ్యకృష్ణ ఒక్కసారిగా నీలాంబరి సినిమా లో విలన్ గా కనిపించి అందరినీ భయపెట్టింది. నటనతో ప్రేక్షకులను ఆకట్టుకున్న ఈమె, ఆ తరువాత సోగ్గాడే చిన్నినాయన అనే సినిమా ద్వారా తన సెకండ్ ఇన్నింగ్స్ ను స్టార్ట్ చేసింది. ఇక తర్వాత బాహుబలి సినిమాలో శివగామి పాత్రలో నటించి ప్రపంచవ్యాప్తంగా అందరి దృష్టిలో పడింది రమ్యకృష్ణ. రమ్యకృష్ణ పాత్రకు శ్రీదేవి ని అనుకున్నప్పటికీ ఆమె రిజెక్ట్ చేయడంతో రమ్యకృష్ణ నటించి, ఆ పాత్రకు పూర్తి న్యాయం చేసింది. ఒకవేళ శ్రీదేవి గనుక ఆ పాత్రలో నటించి ఉన్నట్లయితే తప్పకుండా ఆ సినిమా డిజాస్టర్ గా మిగిలేదని అప్పట్లో నెటిజన్లు కూడా తమ అభిప్రాయాలను తెలియజేశారు. అలా రాజసం ఉట్టిపడే పాత్రలకు కేవలం రమ్యకృష్ణ మాత్రమే సెట్ అవుతుంది అనడంలో ఎటువంటి సందేహం లేదు.