నువ్వు లేక నేను లేను సినిమా మహేష్ ఎలా మిస్ అయ్యాడు..!
సినిమా కథ మహేష్ కు నచ్చినా డేట్స్ అడ్జెస్ట్ కాకపోవడంతో కొన్నాళ్లు వెయిట్ చేయాలని చెప్పారట. అయితే వెయిటింగ్ తన వల్ల కాదని కాశీ విశ్వనాథ్ తరుణ్ తో సినిమా లాగించేశారు. తరుణ్ కెరియర్ లో ఈ సినిమా మంచి హిట్ గా నిలిచింది. నువ్వే కావాలి తర్వాత తరుణ్ కు పెద్ద విజయాన్ని అందించిన సినిమా ఇదే అని చెప్పొచ్చు. అలా మహేష్ కు పడాల్సిన నువ్వు లేక నేను లేను సినిమా తరుణ్ ఖాతాలో పడి సూపర్ హిట్ అందించింది.
ఒకవేళ నువ్వు లేక నేను లేను సినిమా మహేష్ చేసి ఉంటే ఫలితం ఇంకాస్త భారీగా వచ్చే అవకాశం ఉండేది. ఆ టైం లో వేరే సినిమాల బిజీ వల్ల మహేష్ ఈ సినిమాను లైట్ తీసుకున్నాడు. కాని ఓ హిట్ సినిమా మిస్ చేసుకున్నానని తర్వాత ఫీల్ అయ్యే ఉంటారు. స్టార్ సినిమాలు కథల జడ్జ్ మెంట్ చాలా ఇంపార్టెంట్ ఒక్కసారి కథ సరిగా జడ్జ్ చేయకపోతే మంచి హిట్ సినిమా మిస్ అవ్వాల్సి వస్తుంది. ఇదే కాదు మహేష్ ఇలాంటి హిట్ సినిమాలు చాలా వదులుకున్నాడని తెలుస్తుంది. అయితే తను వదులుకోవడమే కాదు వేరే హీరోలు కాదనుకున్న సినిమాలు తను చేసి సూపర్ హిట్ కొట్టిన సందర్భాలు ఉన్నాయి.