రికార్డులు క్రియేట్ చేస్తున్న‘సర్కార్’ టీజర్!
తమిళ చిత్ర పరిశ్రమలో సూపర్ స్టార్ రజినీకాంత్ కి ఎంత క్రేజ్ ఉందో అందరికీ తెలిసిందే..ఆ రేంజ్ మాస్ ఇమేజ్ సంపాదించిన హీరో విజయ్. తమిళ నాట స్టార్ డైరెక్టర్ గా పేరు తెచ్చుకున్న మురుగదాస్-విజయ్ కాంబినేషన్ లో ‘సర్కార్’ సినిమా టీజర్ రిలీజ్ చేశారు. విజయదశమి కానుకగా ‘సర్కార్’ టీజర్తో అభిమానులకు అదిరిపోయే ట్రీట్ ఇచ్చారు ఇళయదళపతి విజయ్. పక్కా పొలిటికల్ టచ్తో ఈ చిత్రం తెరకెక్కినట్లుగా ఈ టీజర్ చెప్పేస్తుంది. మల్టీ మిలినియర్ అయిన విజయ్ తన ఓటును వినియోగించుకోవడానికి ఇండియాకి రావడం, ఆ తర్వాత జరిగే పరిణామాలను మురగదాస్ తనదైన స్టయిల్లో తెరకెక్కించారు.
ఏఆర్ మురుగదాస్ ఒక బ్రిలియంట్ ఫిలింమేకర్. మురుగదాస్ మరోసారి ఇంట్రస్టింగ్ సబ్జెక్టుతో ఈచిత్రాన్ని తెరకెక్కించినట్లుగా టీజర్ చెప్పేస్తోంది. విజయ్ సినిమాకు ఉండాల్సిన అన్ని కమర్షియల్ హంగులతో తెరకెక్కిన ఈ చిత్రం దీపావళి కానుకగా విడుదల కాబోతోంది. తుపాకి, కత్తి వంటి బ్లాక్ బస్టర్ హిట్స్ తరువాత విజయ్, మురుగదాస్ కాంబినేషన్లో వస్తున్న మూడో మూవీ కావడంతో ఈ చిత్రంపై విపరీతమైన అంచనాలు ఉన్నాయి. ఈ అంచనాలకు తగ్గట్టే ‘సర్కార్’ టీజర్ రూపొందించాడు దర్శకుడు. యాక్షన్ .. ఎమోషన్ తో కూడిన ఈ టీజర్లో విజయ్ చాలా స్టైలీష్ గా కనిపించాడు.
ఈ టీజర్ లో విజయ్ మేనరిజం అభిమానులతో విజిల్స్ వేయించేలా వుంది. సన్ పిక్చర్స్ వారు నిర్మించిన ఈ సినిమా, భారీతనానికి ప్రతీకగా కనిపిస్తోంది. యూట్యూబ్ లో ఈ టీజర్ ను రిలీజ్ చేసిన 12 గంటల్లోనే 11 మిలియన్ల వ్యూస్ లభించాయి. ఇక 5 గంటల్లోనే వన్ మిలియన్ లైక్స్ వచ్చాయి .. ఇది ఒక రికార్డు అనేది కోలీవుడ్ టాక్. ఇక ఈ చిత్ర తెలుగు వెర్షన్ టీజర్ను అతి త్వరలో విడుదల చేయనున్నారు. కీర్తిసురేష్ హీరోయిన్గా, వరలక్ష్మి శరత్ కుమార్ ప్రధానపాత్రలో నటించిన ఈ చిత్రాన్ని సన్ పిక్చర్స్ సంస్థ నిర్మిస్తోంది.