కామిక్ వర్డ్ : డోలో 650
క‌రోనా స‌మ‌యంలో ఎన్నో జోక్స్ ప్లే అవుతూ వ‌స్తున్నాయి.ముఖ్యంగా మొద‌టి రెండు ద‌శ‌ల క‌న్నా మూడో ద‌శ‌లో కొంచెం వ్యాధి తీవ్ర‌త త‌గ్గ‌డం, వ‌చ్చినా ఓ రెండు మూడు రోజులు జ్వ‌రం ఉండ‌డంతో అంతా డోలో బిళ్ల కొనుగోలు కోసం మెడిక‌ల్ షాపుల‌కు ప‌రుగులు తీస్తున్నారు. దీంతో ఈ టాబ్లెట్ పై తెగ జోక్స్ వ‌స్తున్నాయి. అయితే సంబంధిత కంపెనీ కూడా ఇంత‌టి రెస్పాన్స్ తాము ఎన్న‌డూ ఊహించ‌నే లేద‌ని చెబుతూనే త్వ‌ర‌లోనే ప‌బ్లిక్ ఇష్యూ లోకి త‌మ కంపెనీ పేరును చేర్చాల‌ని భావిస్తోంది. ఏదేమ‌యినప్ప‌టికీ త‌యారీ సంస్థ అయిన మైక్రో ల్యాబ్స్ కంపెనీ ఇప్పుడు త‌మ‌కు పోటీ లేనేలేద‌ని సంబ‌ర‌ప‌డిపోతోంది.ఇది ఏ ఒక్క‌రోజులోనే వ‌చ్చింది కాద‌ని చెబుతూనే, త‌మ విజ‌యానికి కార‌ణం అయిన కంపెనీ ఉద్యోగుల‌కు థాంక్స్ చెబుతోంది.
ఆ వివ‌రం ఈ క‌థ‌నంలో!
ఆ వివ‌రం ఈ క‌థ‌నంలో!
వాస్త‌వానికి జ్వ‌రానికి సంబంధించి ఇచ్చే పారాసిట‌మాల్ టాబ్లెట్ ఇంత‌టి పేరు తెచ్చుకుంటుంద‌ని ఆ కంపెనీ కూడా ఊహించి ఉండ‌దు. మొద‌ట్లో 500ఎంజీ త‌యారు చేసేవాళ్ల‌మ‌ని,నిపుణుల సూచ‌న మేర‌కు 650ఎంజీ త‌యారు చేస్తున్నామ‌ని, గ‌డిచిన రెండేళ్ల‌లో క‌రోనా మొద‌టి,రెండు ద‌శ‌ల క‌న్నామూడో ద‌శ‌లో డోలో అమ్మ‌కాలు అనూహ్యంగా పెరిగాయ‌ని కంపెనీ ప్ర‌తినిధులు ఆనందం వ్య‌క్తం చేస్తున్నారు.