కరివేపాకు తీసుకోవడం ద్వారా ఈ భారీ సమస్యలు సులువుగా దూరం.. ఈ విషయాలు తెలుసా?
కరివేపాకు అనగానే మనందరికీ ముందుగా గుర్తొచ్చేది వంటింట్లో పోపు వేసేటప్పుడు వచ్చే ఆ అద్భుతమైన సువాసన. చాలామంది కూరల్లో కరివేపాకును కేవలం రుచి కోసం, వాసన కోసమే వాడుతుంటాం. కానీ భోజనం చేసేటప్పుడు ఆకులను ఏరి పక్కన పడేస్తుంటాం. నిజానికి అలా చేయడం వల్ల మన శరీరానికి అందాల్సిన ఎన్నో అద్భుతమైన ఆరోగ్య ప్రయోజనాలను మనం చేజేతులా కోల్పోతున్నాం. కరివేపాకులో విటమిన్ ఏ, బి, సి, బి2, కాల్షియం మరియు ఐరన్ వంటి పోషకాలు పుష్కలంగా ఉన్నాయి. ముఖ్యంగా డయాబెటిస్తో బాధపడే వారికి ఇది ఒక వరమని చెప్పవచ్చు. రక్తంలోని చక్కెర స్థాయిలను క్రమబద్ధీకరించడంలో కరివేపాకు కీలక పాత్ర పోషిస్తుంది. రోజూ ఉదయాన్నే ఖాళీ కడుపుతో నాలుగైదు కరివేపాకులను నమిలి తింటే షుగర్ లెవల్స్ నియంత్రణలోకి వస్తాయి.
జీర్ణక్రియ సమస్యలతో సతమతమయ్యే వారికి కరివేపాకు ఒక అద్భుత ఔషధం. గ్యాస్, ఎసిడిటీ, మలబద్ధకం వంటి సమస్యలను ఇది దూరం చేస్తుంది. జీర్ణవ్యవస్థ పనితీరును మెరుగుపరచడమే కాకుండా, శరీరంలోని వ్యర్థాలను బయటకు పంపి బరువు తగ్గడానికి కూడా సహకరిస్తుంది. అలాగే నేటి కాలంలో చాలామందిని వేధిస్తున్న సమస్య రక్తహీనత. కరివేపాకులో ఐరన్ మరియు ఫోలిక్ యాసిడ్ సమృద్ధిగా ఉండటం వల్ల ఎర్ర రక్తకణాల ఉత్పత్తి పెరుగుతుంది. దీనివల్ల అలసట తగ్గుతుంది. కంటి చూపు మందగించడం, రేచీకటి వంటి సమస్యలు ఉన్నవారు కరివేపాకును క్రమం తప్పకుండా తీసుకోవడం వల్ల కంటి ఆరోగ్యం మెరుగుపడుతుంది.
జుట్టు సమస్యల విషయానికి వస్తే కరివేపాకు చేసే మేలు అంతా ఇంతా కాదు. చిన్న వయసులోనే వచ్చే తెల్ల జుట్టును నివారించడంలోనూ, జుట్టు రాలడం తగ్గించి ఒత్తుగా పెరగడంలోనూ ఇది అద్భుతంగా పనిచేస్తుంది. కరివేపాకును నూనెలో వేసి మరిగించి తలకు పట్టించడం వల్ల కుదుళ్లు దృఢంగా మారుతాయి. అంతేకాకుండా, ఇందులో ఉండే యాంటీ ఆక్సిడెంట్స్ శరీరంలో రోగనిరోధక శక్తిని పెంచి ఇన్ఫెక్షన్ల బారి నుంచి మనల్ని రక్షిస్తాయి. గుండె సంబంధిత వ్యాధులను అరికట్టడంలోనూ, కొలెస్ట్రాల్ను తగ్గించడంలోనూ కరివేపాకు ఎంతో ప్రభావవంతంగా పనిచేస్తుంది. అందుకే ఇకపై కరివేపాకును కూరలో పక్కన పడేయకుండా తింటే ఈ భారీ ఆరోగ్య సమస్యలను సులువుగా దూరం చేసుకోవచ్చు.