రైస్ వండేముందు ఎన్నిసార్లు కడిగితే మంచిది?
మన దేశంలోని చాలా ప్రాంతాలలో ఎక్కువగా ప్రజలు బియ్యంతో వండిన అన్నమే తింటారు. ముఖ్యంగా మన దక్షిణ రాష్ట్రాల్లో అయితే బియ్యంని ప్రధాన ఆహారంగా తింటారు.బ్రౌన్ రైస్, వైట్ రైస్ అనే రెండు రకాల బియ్యాన్ని దేశవ్యాప్తంగా చాలా చోట్ల తింటుంటారు. ప్రజలు తమ ఇష్టానుసారం చాలా రకాలుగా అన్నం వండుతారు. కొంతమందికి ప్లెయిన్ రైస్ ఇష్టం, మరికొందరు జీరా రైస్ ని తినడానికి ఎక్కువగా ఇష్టపడతారు. మరి కొంతమంది వెజ్ పులావ్, బిర్యానీ రూపంలో అన్నం తీసుకుంటారు. పైగా అన్నం వండడం చాలా సులభం. ఇది చాలా తక్కువ సమయంలో తయారవుతుంది. అందుకే ఇది దేశంలో చాలా మంది ప్రజలకు ఎంతో ఇష్టమైన భోజనం. అయితే, అన్నం వండడానికి ముందు బియ్యం కడగడం అనేది చాలా ముఖ్యం. కానీ, ఎన్ని సార్లు కడగాలి అనేది కూడా తెలుసుకోవడం అంతే ముఖ్యం. కొంతమంది బియ్యాన్ని చాలా మార్లు కడుగుతూనే ఉంటారు. ఎందుకంటే బియ్యాన్ని ఎక్కువ సార్లు కడిగితే అందులోని మురికి, రసాయనాలు తొలగిపోతాయని వారు భావిస్తారు. అయితే అన్నం వండేముందు బియ్యాన్ని ఎన్ని సార్లు కడగాలి.? ఎలా కడగాలి..? దీనిపై నిఫుణులు ఏం చెబుతున్నారో?ఇప్పుడు మనం పూర్తిగా తెలుసుకుందాం..
చాలా మంది కూడా అన్నం వండడానికి ముందు బియ్యాన్ని ఎక్కువసేపు నానబెట్టి తర్వాత చాలాసార్లు కడుగుతారు. అయితే బియ్యాన్ని పదే పదే కడగడం వల్ల అందులో ఉండే పోషకాలు నశిస్తాయి. బియ్యంలో ఉండే కరిగే ఫైబర్ నీటిలో కరిగి జీర్ణక్రియను బాగా మెరుగుపరుస్తుంది.ఇది శరీరాన్ని ఆరోగ్యంగా ఉంచుతుంది. ఇంకా అలాగే, ఎక్కువ నీళ్లలో బియ్యాన్ని ఉడకబెట్టి, ఆ నీటిని గంజి రూపంలో పారబోసి వడకట్టే వారు కూడా ఉన్నారు. అయితే ఇది పూర్తిగా తప్పు అంటున్నారు ఆరోగ్య నిపుణులు.ఎందుకంటే బియ్యాన్ని నానబెట్టి కడిగితే అన్నంలోని పోషణ అంతా కూడా చాలా తొందరగా తొలగిపోతుంది. ఇంకా అలాగే, సగం అన్నం ఉడికిన తర్వాత గంజిని వారిస్తే.. అన్నం వదులుగా కూడా ఉంటుంది. అందుకే అన్నం వండేటప్పుడు ఈ రెండు తప్పులు చేస్తే వెంటనే మీ అలవాటును మార్చుకోండి. అన్నం వండే ముందు బియ్యాన్ని కేవలం 3 సార్లు కడిగి, 5-10 నిమిషాలు నానబెట్టి ఆ తర్వాత ఉడికించాలి.ఇక మీరు బియ్యం నుండి పూర్తి పోషకాహారాన్ని పొందాలనుకుంటే, బియ్యం పీల్చుకోగలిగినంత నీటిలో ప్రెజర్ కుక్కర్‌లో బియ్యంని ఉడికించాలి. ఎక్కువ నీళ్లలో అన్నం వండడం చాలా తప్పు. మీరు వండే బియ్యానికి సరిపడా నీళ్లు పోసుకుని అన్నంని ఉడికించుకోవాలి. ఇలా చేస్తే దానిలోని పోషకాలు అలాగే ఉంటాయి.