బరువు తగ్గాలంటే ఖచ్చితంగా ఇవి పాటించాల్సిందే?
బరువు పెరగడానికి ప్రధాన కారణాల్లో నిద్రలేమి ఒకటి.నిద్రకు మనం ఇచ్చే ప్రాధాన్యత చాలా తక్కువ. నిద్రను చాలా ఇగ్నోర్ చేస్తూ ఉంటాం. బాడీ రికవర్ అవడానికి, బింజ్ ఈటింగ్ను ప్రభావితం చేసే కార్టిసాల్ హార్మోన్ సక్రమ పనితీరుకు కంటి నిండా నిద్ర అవసరం. శరీరం తనకు తాను ఆరోగ్య వ్యవస్థల్లోని పొరపాట్లను సరిదిద్దుకుని, ఒత్తిడిని తగ్గించుకునే వెసులుబాటు నిద్రలోనే పొందుతుంది. అందుకే ఎట్టి పరిస్థితుల్లోనూ నిద్రకు కొరత రానివ్వకూడదని అంటున్నారు నిపుణులు. అలాగే పోషకాలు శరీరమంతటా ప్రసరించడానికి తోడ్పడే నీటి కొరత ఏర్పడకుండా చూసుకోవాలి. శరీరంలో నీరు నిల్వ ఉండిపోకుండా ఉండడానికీ, కలుషితాల విసర్జనకూ కూడా సరిపడా నీరు అవసరం. దాహార్తికీ ఆకలికీ మధ్య తేడా విషయంలో శరీరం అయోమయానికి లోనవుతూ ఉంటుంది. అందుకే అదనపు క్యాలరీలు శరీరంలోకి చేరుకోకుండా ఉండాలంటే దాహం వేసే లోపే నీళ్లు తాగుతూ ఉండాలని అంటున్నారు ఆరోగ్య నిపుణులు.క్రమం తప్పకుండా వ్యాయామం చెయ్యాలి.
ఒకేసారి భారీ వర్కవుట్ చేయలేకపోతే, తక్కువ తీవ్రతతో కూడిన వ్యాయామాలను క్రమం తప్పకుండా ప్రతి రోజూ చేయడం ఎంతో మేలు. ఎవరికి వారు వారికి సూటయ్యే వ్యాయామాన్ని ఎంచుకోవాలి. కొందరికి జిమ్కి వెళ్లడం ఇష్టం ఉండకపోవచ్చు. అలాంటివాళ్లు జాగింగ్, రన్నింగ్ లేదా సైక్లింగ్ చేయడం ఎంచుకోవడం బెటర్.మరికొందరికి స్ట్రెంగ్త్ ట్రైనింగ్, వెయిట్ లిఫ్టింగ్ నచ్చకపోతే.. ఎలాంటి వ్యాయామం ఎంచుకున్నా క్రమం తప్పకూడదు. ఫిట్నెస్, మెటబాలిజం.. ఈ రెండింటినీ వ్యాయామం ప్రభావితం చేస్తుంది. కేవలం క్యాలరీలను కరిగించడమే ధ్యేయంగా కాకుండా, శరీరాన్ని ఓ పాజిటివ్ స్ట్రెస్కు లోను చేయడం అలవాటు చేసుకోవడం మంచిదంటుటున్నారు.బరువును తగ్గించుకునేందుకు సరైన మార్గాలను ఎంచుకుంటే మేలంటున్నారు. తీసుకునే పోషకాహారం ఓ ట్రెండ్ లేదా తాత్కాలిక ఫలితాన్నిచ్చే ఓ ఆయుధంలా కాకుండా దాన్ని జీవనశైలిగా మార్చుకోవాలంటున్నారు. ఆహారపు అలలవాట్లను సరిదిద్దుకుని, మైక్రో, మ్యాక్రో న్యూట్రియెంట్లతో కూడిన పోషకాహారాన్ని ఎంచుకోగలిగితే, కొవ్వును కరిగించుకోవచ్చు. ఆరోగ్యకరమైన ఆహారాన్ని మాత్రమే ప్రతి రోజూ తీసుకోవాలి.