వరల్డ్ సైట్ డే : కళ్లు ఆరోగ్యంగా ఉండాలంటే...
క్యారెట్ రసం:
క్యారెట్ రసం దృష్టికి చాలా ప్రయోజనకరంగా ఉంటుంది. క్యారెట్లోని విటమిన్ A పుష్కలంగా ఉంటుంది. ఇది దృష్టిని మెరుగు పరచడంలో ఎంతగానో ఉపయోగపడుతుంది. ప్రతి రోజు క్యారెట్ జ్యూస్ తాగడం వల్ల చూపు మెరుగుపడుతుంది.
ఆకు కూరలు:
ఆకు కూరలు కంటి సమస్యలకు దూరంగా ఉండేందుకు సహాయపడుతాయి. ఆకు కూరలు కళ్లకే కాదు ఆరోగ్యానికి కూడా మేలు చేస్తాయి. మరీ ముఖ్యంగా పాలకూర రసం ఆరోగ్యానికి మేలు చేస్తుంది. ప్రతిరోజూ పాలకూర రసాన్ని కొద్ది మొత్తంలో తీసుకోవడం ద్వారా మీరు మీ దృష్టిని మరింత త్వరగా మెరుగుపరుచుకోవచ్చు. ఇందులో విటమిన్ A, విటమిన్ C, విటమిన్ K, మెగ్నీషియం, మాంగనీస్, ఐరన్ పుష్కలంగా ఉంటాయి.
ఉసిరి రసంలో..
ఉసిరి రసంలో విటమిన్ సి ఉంటుంది. ఇది కంటికి ఎంతో మేలు చేస్తుంది. ఉసిరి రసం కూడా తాగవచ్చు. దీన్ని మీ ఆహారంలో చేర్చడం ద్వారా మీ కంటి ఆరోగ్యాన్ని కాపాడుకోండి.
కంటి ఆరోగ్యం కోరేవారంతా చేపలను తినాలి. ముఖ్యంగా చేపల్లో విరివిగా లభించే ఒమేగా-3 ఫాటీ ఆమ్లం కంటిజబ్బులను దూరం చేయటమే గాక రెటీనా పనితీరును పెంచుతుంది.
బ్లూబెర్రీస్ తినాల్సిందే. వీటిలో పుష్కలంగా లభించే యాంథోసైనిన్స్, విటమిన్-సి కంటిచూపును మెరుగుపరచడమే కాకుండా కళ్ల అలసటను పోగొట్టి ఉపశమనాన్నిస్తాయి.
పాలకూరలో ఎక్కువ మొత్తంలో ఉండే బీటా కెరోటిన్, విటమిన్స్ కళ్లపై అతినీలలోహిత కిరణాల ప్రభావాన్ని నిరోధిస్తాయి. దీనివల్ల చురుకైన కంటిచూపు లభిస్తుంది. అందుకే రోజూ ఎంతోకొంత పాలకూరను సలాడ్స్, కూర, పప్పు రూపంలో తినటం మంచిది.
గుడ్డులోని విటమిన్-ఎ మొదలు పలు ఇతర కీలక పోషకాలు వయసుతోపాటు వచ్చే మాక్యులర్ డీజనరేషన్ వంటి రెటీనా వ్యాధులు రాకుండా కాపాతాయి.
మొక్కజొన్నలోని ల్యుటిన్ వంటి పదార్థాలు కంటి ఆరోగ్యాన్ని కాపాడి మాక్యులర్ డీజనరేషన్ వంటి రెటీనా వ్యాధులను నిరోధిస్తాయి. మొక్కజొన్నను ఏదో ఒక రూపంలో రోజుకు 5 – 8 గ్రాములు తింటే చిన్న వయసులో శుక్లాల సమస్య రాదు.