भारत बायोटेक कंपनीत बनतेय नाकातून देता येणारी करोना लस

frame भारत बायोटेक कंपनीत बनतेय नाकातून देता येणारी करोना लस

Thote Shubham

विषाणूंच्या विरोधात लस निर्मिती करणारी भारताची भारत बायोटेक कंपनी करोना पिडीतांना नाकातून देता येईल (नेसल) अशी विशेष लस विकसित करत आहे. युनिव्हर्सिटी ऑफ विस्कांसीन मेडिसिन व लस निर्माती कंपनी फ्लुजेनचे व्हायरालॉजिस्ट भारत बायोटेकसह कोविड १९ ला प्रतिकार करणाऱ्या कोरोफ्लू नावाच्या या लसीची परीक्षणे करत आहेत. शुक्रवारी भारत बायोटेक तर्फे ही माहिती देण्यात आले.

 

भारत बायोटेकचे अधिकारी म्हणाले, अमेरिकेच्या फ्लुजेनने फ्लूसाठी एम २ आरएस लस अगोदरच तयार केली आहे त्याच आधारावर ही नवी कोरोफ्लू लस विकसित केली जात आहे. त्याची विविध परीक्षणे केली जातील आणि त्यासाठी ३ ते ६ महिन्याचा कालावधी लागू शकेल. अमेरिकेत ऑक्टोबर मध्ये या लसीची मानवावर परीक्षणे केली जाणार आहेत. या चाचण्या यशस्वी झाल्या तर भारत बायोटेक ३० कोटींचे उत्पादन करणार आहे.


ही लस शरीरात गेली की तत्काळ फ्लू विरोधी प्रतिजैविके बनविते. एम २ आरएस ही लस युनिव्हर्सिटी ऑफ विस्कांसीन मधील विषाणूतज्ञ आणि लस निर्माती कंपनी फ्लुजेनचे संस्थापक डॉ. योशिरो कावाओका व ग्रॅब्रियल न्यूमन यांनी शोधली होती. याच लसीमध्ये आता कोविड १९ चा जिन सिक्वेन्स मिसळला गेला आहे असे समजते.

Find Out More:

Related Articles:

Unable to Load More