పచ్చళ్ళు తింటే ఎంత మంచిదో తెలుసా?
ప్రతి ఇంట్లో కూడా పచ్చళ్ళు ఉండటం అనేది చాలా కామన్.పచ్చళ్ళు అంటే ఇష్టపడని వారు ఎవరుండరు చెప్పండి. వేడి వేడి అన్నంలో పప్పు చారు వేసుకొని అందులో కొంచెం పచ్చడి వేసుకొని అలాగే నెయ్యి వేసుకోని తింటే ఆ రుచి ఎంత బాగుంటుందో మాటల్లో చెప్పలేం.. పచ్చళ్ళు రుచికే కాదు ఆరోగ్యానికి కూడా చాలా మంచివి.కాబట్టి పచ్చళ్ళు వల్ల కలిగే ఆరోగ్య ప్రయోజనాలు, లాభాలు ఇంకా ఇతర విషయాలు గురించి ఇప్పుడు మనం ఇక్కడ తెలుసుకుందాం..చలికాలంలో పచ్చళ్లను కూరతో పాటుగా కొద్దిగా తీసుకుంటే ఆరోగ్యానికి చాలా మేలు చేస్తాయంటున్నారు ఆరోగ్య నిపుణులు.ఇవి జీర్ణవ్యవస్థను ఇంకా పేగులను ఆరోగ్యంగా ఉంచుతాయి. శరీరంలోని టాక్సిన్స్ను బయటకు పంపడంలో ఎంతగానో సహాయపడుతుంది.
నాణ్యమైన సుగంధ ద్రవ్యాలు, ఉప్పు ఇంకా నూనెతో ఊరగాయలను తయారు చేస్తారు. ఇందులో యాంటీ ఆక్సిడెంట్లు, అవసరమైన విటమిన్లు ఇంకా అలాగే మినరల్స్ పుష్కలంగా ఉన్నాయి. ఇవి రోగనిరోధక శక్తిని కూడా బాగా పెంచుతాయి.ఆరోగ్య నిపుణుల అభిప్రాయం ప్రకారం, ఉసిరికాయ ఇంకా ముల్లంగి ఊరగాయలు హెపాటోప్రొటెక్టివ్ లక్షణాలను కలిగి ఉండటం వల్ల జీర్ణక్రియకు చాలా మేలు చేస్తాయి. చలికాలంలో తయారైన ఊరగాయలు డయాబెటిక్ పేషెంట్లలో హిమోగ్లోబిన్ స్థాయిలను మెరుగుపరచడంలో ఎంతగానో సహాయపడతాయి. ఈ ఊరగాయలు కాలేయానికి చాలా మంచివిగా భావిస్తారు.
ఇవి ఆరోగ్యకరమైన బ్యాక్టీరియా ఇంకా అలాగే ప్రోబయోటిక్స్ను అందిస్తాయి.పచ్చళ్లలో రుబ్బిన మసాలా దినుసులు వాడటం వల్ల పోషకాలు చాలా అధికంగా ఉంటాయి. ఇవి జీవక్రియను వేగవంతం చేయడంలో ఎంతగానో సహాయపడతాయి. పచ్చిమిర్చి పచ్చళ్లలో వాడితే శ్వాసకోశ సమస్యలను ఈజీగా అధిగమించవచ్చు. టర్నిప్లు, క్యారెట్లు, ఇంకా క్యాలీఫ్లవర్లను ఎండలో ఉంచడం వల్ల పోషక విలువలు పెరుగుతాయి. గంజి, పప్పు, అన్నం ఇంకా అలాగే కిచడీతో పచ్చళ్లను ఆస్వాదించవచ్చు. సీజనల్ ఊరగాయలను తీసుకోవడం ద్వారా చాలా ఆరోగ్యంగా వుండొచ్చు. కానీ దీర్ఘకాలిక ఆరోగ్యానికి మంచివి కావనే విషయం గుర్తుంచుకోవాలి.