మునగచెట్టులో ఇన్ని ఔషధ గుణాలు ఉన్నాయా..?
ప్రపంచ దేశాలకు కూడా ఈ చెట్టు యొక్క ప్రాముఖ్యతను తెలియజేశాయి. ఐక్యరాజ్య సమితి కూడా మునగ యొక్క ప్రాధాన్యతను గుర్తించి ఈ చెట్లను పెంచడాన్ని ప్రోత్సహించింది. దీంతో మన అందరి దృష్టి కూడా ఈ చెట్టుపై పడింది. న్యూట్రిషన్ ఫౌండేషన్ ఆఫ్ ఇండియా అధ్యక్షుడు డాక్టర్ సి గోపాలన్, డాక్టర్ కమల కృష్ణ స్వామి లు మునగాకు యొక్క విశిష్టతను చెప్పారు.
**మునగాకులో ఏముంది**
మనం బ్రతికి ఉంటే బలుసాకు అయినా తిని బతకొచ్చు అనేది పాత నానుడి, బలుసాకు ఏమోగానీ కాస్త మునగాకు తింటే చాలు వందేళ్లు బతుకవచ్చు అన్నది కొత్త సామెత. 100 గ్రాములు గల మునగాకులో నారింజలో కన్నా 7 రెట్లు సి విటమిన్, క్యారెట్ లలో కన్నా నాలుగింతలు క్యాల్షియం, అరటి పండులో కన్నా మూడు రెట్లు పొటాషియం, పాలకూరలో కన్నా మూడురెట్లు ఐరన్, బాదంలో కన్నా మూడు రెట్లు విటమిన్ ఈ, పెరుగులో కన్నా రెండింతలు ప్రొటీన్లు ఉంటాయి. ఈ లెక్కన చూస్తే మునగాకు పూర్తిగా పోషకాహార లోపం నివారిస్తుందని అర్థమవుతోంది. ప్రపంచవ్యాప్తంగా ఏటా 5 లక్షల మంది విటమిన్-ఎ లోపం వల్ల అందులు అవుతున్నారు. ఈ లోపాన్ని నివారించాలంటే మునగాకు ఎంతో మంచి ఔషధం అని పోషక నిపుణులు తెలుపుతున్నారు. ఈ కారణంగానే క్యూబా అధ్యక్షుడు ఫిడేల్ క్యాస్ట్రో మునగ చెట్లను పెంచి ఆ కాయ ని రోజు తినేవాడట. కాబట్టి మునగకాయలు తినండి ఆరోగ్యాన్ని కాపాడుకోండి.