మునగకాయ వల్ల కలిగే అద్భుతాలు ఏంటో తెలుసా..?
సాధారణంగా మునగకాయలు తినడానికి ఎంతో మంది ఇష్టపడుతూ ఉంటారు కానీ మునగాకు తినడానికి మాత్రం ఇష్టం చూపించరు. మునగాకులో కూడా ఎన్నో పోషకాలు ఉన్నాయి. మరీ ముఖ్యంగా మునగకాయలో ఎన్నో రకాల పోషకాలు ఉన్నాయి. అవి మన ఆరోగ్యానికి ఎంతో ప్రయోజనం చేకూరుస్తాయని వైద్య నిపుణులు చెబుతున్నారు. అయితే మునగాకు వల్ల కలిగే ప్రయోజనాలు ఏమిటో మనం కూడా తెలుసుకుందాం..
మునగకాయలలో సెలీనియం, జింక్ పోషకాలు ఉంటాయి. ఇవి స్త్రీ, పురుషుల ఇద్దరిలోనూ ప్రత్యుత్పత్తి వ్యవస్థ అద్భుతంగా పనిచేసేలా చేస్తాయి. దీంతో సంతాన లోపం ఉండదు. ముఖ్యంగా మునగ కాయలు తినడం వల్ల స్త్రీ, పురుషులలో శృంగార సామర్థ్యం పెరుగుతుంది. ఇక పురుషుల్లో వీర్యకణాల స్థాయి పెరిగి, సంతాన లోపం సమస్య నుంచి బయట పడవచ్చు.
అలాగే మునగ కాయలలో కాల్షియం, ఐరన్ లు సమృద్ధిగా ఉండడం వల్ల ఎముకలు దృఢం గా మారడానికి సహాయపడతాయి. అలాగే దంతాలు దృఢంగా, ఆరోగ్యంగా మారతాయి. రక్తం బాగా అభివృద్ధి చెందుతుంది. ఇందులో ఉండే యాంటీ బయాటిక్ గుణాలు మన శరీరంలో సూక్ష్మక్రిములను చంపేసి, వ్యాధి నిరోధక శక్తిని పెంచుతుంది.
మునగ కాయ తినడం వల్ల గాల్ బ్లాడర్ పనితీరు మెరుగుపడుతుంది. ఫలితంగా మన శరీరంలో బ్లడ్ షుగర్ లెవెల్స్ పెరగకుండా అపుతాయి. కాబట్టి డయాబెటిస్ సమస్యతో బాధపడుతున్నవారు మునగ కాయలు తినడం వల్ల షుగర్ కంట్రోల్ లో ఉంటుంది. అంతేకాకుండా షుగర్ వస్తుందేమో అని భయపడే వారు కూడా మునగకాయను పుష్కలంగా తినవచ్చు..
అలాగే మునగ కాయలలో పీచుపదార్థం ఎక్కువగా ఉంటుంది. కాబట్టి జీర్ణసమస్యలు రాకుండా ఉంటాయి. సుఖ విరేచనం అవుతుంది. జీర్ణాశయ ఆరోగ్యాన్ని మెరుగుపరచడం లో మొదటి పాత్ర వహిస్తుంది. అంతేకాకుండా మునగ కాయ తినడం వల్ల హై బీపీ తగ్గుతుంది. బాలింతలలో పాల ఉత్పత్తి పెరుగుతుంది. శరీరంలో కొవ్వు కరిగి, బరువు కూడా తగ్గుతారు. శ్వాస కోశ సంబంధిత వ్యాధులను కూడా దూరం చేసుకోవచ్చు..