కేటీఆర్‌ను ఇరికించబోయి.. రేవంత్‌రెడ్డి ఇరుక్కుపోయారా?
తెలంగాణలో ఇప్పుడు రేవంత్ రెడ్డి వర్సెస్‌ కేటీఆర్ వార్ నడుస్తోంది. మాజీ మంత్రి కేటీఆర్‌ను అరెస్టు చేయించాలని.. జైల్లో వేయించాలని రేవంత్ రెడ్డి ఉబలాటపడిపోతున్నారని బీఆర్ఎస్‌ నాయకులు ఆరోపిస్తున్నారు. అందుకే అరెస్టు చేయవద్దని కోర్టులు చెబుతున్నా.. రేవంత్ రెడ్డి ఏసీబీ విచారణ పేరుతో నాటకాలకు తెరలేపారని అంటున్నారు. రేవంత్ రెడ్డి ప్రభుత్వం ఏడాది కాలంగా హామీలు నెరవేర్చలేదు గానీ.. హామీలు పక్కనపెట్టి కొత్త సమస్యలు కొని తెచ్చుకుంటున్నారని మాజీమంత్రి జగదీశ్ రెడ్డి మండిపడ్డారు.
కేటీఆర్ ను ఏసీబీ ఆఫీసులో గంటల తరబడి కుర్చోబెట్టాలని, ఇంటిపై సోదాలు చేసి కుట్రపూరితంగా పేపర్లు పెట్టి తప్పుదారి పట్టించాలని చూశారని మాజీమంత్రి జగదీశ్ రెడ్డి అంటున్నారు. విచారణ అధికారి బయటకు వచ్చి కేటీఆర్ నుంచి లేఖ తీసుకున్నారని.. పన్నాగం నడవలేదని, ఆ నాటకం రక్తి కట్టకపోవడంతో గ్రీన్ కో ఎలక్టోరల్ బాండ్ల అంశాన్ని తెరపైకి తీసుకొచ్చారని జగదీశ్ రెడ్డి విమర్శించారు.
గ్రీన్ కో కంపెనీ కాంగ్రెస్ బీజేపీతో పాటు ఇతర పార్టీలకు కూడా ఇచ్చిందన్న మాజీమంత్రి జగదీశ్ రెడ్డి.. నష్టం వస్తుందని వెనక్కు పోయిన గ్రీన్ కో మాకు ఎలా బాండ్లు ఇస్తారని ప్రశ్నించారు. మోసపోయిన రైతులు తిరగబడుతుంటే పక్కదారి పట్టించడానికి ఇవన్నీ చేస్తున్నారని జగదీశ్ రెడ్డి విమర్శించారు. పనికిమాలిన చెత్త కేసులో ఇప్పుడు ప్రభుత్వం ఇరుక్కొందన్న జగదీశ్ రెడ్డి.. గ్రీన్ కో ఎలక్టోరల్ బాండ్ల అంశంపై చర్చ కూడా అవసరం లేదన్నారు.
విచారణలు తోలు బొమ్మలాటలా నడుస్తున్నాయని.. మండలి చైర్మన్ గుత్తా సుఖేందర్ రెడ్డి పొద్దు తిరుగుడు పువ్వు అని జగదీశ్ రెడ్డి మండిపడ్డారు. ఏసీబీ హైకోర్టు ముందుంచిన 200 పేజీల రిపోర్ట్ లో గ్రీన్ కో ప్రస్తావన ఎందుకు లేదని ప్రశ్నించిన జగదీశ్ రెడ్డి.. ఫార్ములా-ఈ రేసు కంటే ముందే గ్రీన్ కో ఎలెక్టోరల్ బాండ్స్ ఇచ్చిందని గుర్తు చేశారు. ఫైళ్లు ప్రభుత్వం దగ్గర ఉంటాయి... కేటీఆర్ ఎక్కడి నుంచి తెస్తారని జగదీశ్ రెడ్డి నిలదీశారు.
కేటీఆర్ ను ఏసీబీ ఆఫీసులో గంటల తరబడి కుర్చోబెట్టాలని, ఇంటిపై సోదాలు చేసి కుట్రపూరితంగా పేపర్లు పెట్టి తప్పుదారి పట్టించాలని చూశారని మాజీమంత్రి జగదీశ్ రెడ్డి అంటున్నారు. విచారణ అధికారి బయటకు వచ్చి కేటీఆర్ నుంచి లేఖ తీసుకున్నారని.. పన్నాగం నడవలేదని, ఆ నాటకం రక్తి కట్టకపోవడంతో గ్రీన్ కో ఎలక్టోరల్ బాండ్ల అంశాన్ని తెరపైకి తీసుకొచ్చారని జగదీశ్ రెడ్డి విమర్శించారు.
గ్రీన్ కో కంపెనీ కాంగ్రెస్ బీజేపీతో పాటు ఇతర పార్టీలకు కూడా ఇచ్చిందన్న మాజీమంత్రి జగదీశ్ రెడ్డి.. నష్టం వస్తుందని వెనక్కు పోయిన గ్రీన్ కో మాకు ఎలా బాండ్లు ఇస్తారని ప్రశ్నించారు. మోసపోయిన రైతులు తిరగబడుతుంటే పక్కదారి పట్టించడానికి ఇవన్నీ చేస్తున్నారని జగదీశ్ రెడ్డి విమర్శించారు. పనికిమాలిన చెత్త కేసులో ఇప్పుడు ప్రభుత్వం ఇరుక్కొందన్న జగదీశ్ రెడ్డి.. గ్రీన్ కో ఎలక్టోరల్ బాండ్ల అంశంపై చర్చ కూడా అవసరం లేదన్నారు.
విచారణలు తోలు బొమ్మలాటలా నడుస్తున్నాయని.. మండలి చైర్మన్ గుత్తా సుఖేందర్ రెడ్డి పొద్దు తిరుగుడు పువ్వు అని జగదీశ్ రెడ్డి మండిపడ్డారు. ఏసీబీ హైకోర్టు ముందుంచిన 200 పేజీల రిపోర్ట్ లో గ్రీన్ కో ప్రస్తావన ఎందుకు లేదని ప్రశ్నించిన జగదీశ్ రెడ్డి.. ఫార్ములా-ఈ రేసు కంటే ముందే గ్రీన్ కో ఎలెక్టోరల్ బాండ్స్ ఇచ్చిందని గుర్తు చేశారు. ఫైళ్లు ప్రభుత్వం దగ్గర ఉంటాయి... కేటీఆర్ ఎక్కడి నుంచి తెస్తారని జగదీశ్ రెడ్డి నిలదీశారు.