നീറ്റ് എക്സമിനു ശിരോവസ്ത്രo ധരിക്കാം
നടക്കാനിരിക്കുന്ന അഖിലേന്ത്യാ മെഡിക്കല് എന്ട്രന്സ് പരീക്ഷയായ 'നീറ്റി'ന് ശിരോവസ്ത്രം ധരിക്കാമെന്ന് കേന്ദ്ര മാനവവിഭവ ശേഷി മന്ത്രാലയം അറിയിച്ചു.
ബുര്ഖ, ഹിജാബ്, കാരാ, കൃപാണ് എന്നിവ ധരിക്കുന്നതിനുള്ള വിലക്കാണ് ഇപ്പോള് നീക്കിയിരിക്കുന്നത്. ഇത്തരം വസ്ത്രം ധരിച്ചെത്തുവന്നവര് മുന്കൂട്ടി അനുമതി വാങ്ങണമെന്നും സര്ക്കുലറില് വെക്തമായി പറയുന്നു.
ശരീരത്തില് മെഡിക്കല് ഉപകരണങ്ങള് ഉള്ളവര് അഡ്മിറ്റ് കാര്ഡ് കിട്ടുന്നതിന് മുന്പുതന്നെ ഇക്കാര്യത്തില് അനുമതി തേടണമെന്നും സര്ക്കുലറില് വ്യക്തമാക്കുന്നു.
നീറ്റ പരീക്ഷയ്ക്ക് ശിരോവസ്ത്രം ധരിക്കുന്നത് കഴിഞ്ഞ വര്ഷം പരീക്ഷാ ഹാളില് വിലക്കിയിരുന്നു. ഇത് വലിയ പ്രതിഷേധത്തിന് വഴിവെച്ചിരുന്നു.
ഇതിനെതിരെ കോടതിയെ സമീപിക്കുന്ന സാഹചര്യവും ഉണ്ടായിരുന്നു. പ്രതിഷേധം ശക്തമായ സാഹചര്യത്തിലാണ് 2020ലെ നീറ്റ പരീക്ഷയ്ക്ക് ശിരോവസ്ത്രം ധരിക്കുന്നതിനുള്ള വിലക്ക് നീക്കിയിരിക്കുന്നത്.