నర్స్ పాడుబుద్ధి.. పేషెంట్ తో చాటింగ్.. చివరికి?
ముందు నవ్వుతూ పరిచయం పెంచుకుంది ఆ తర్వాత ఫోన్ నెంబర్ తీసుకుని మెసేజ్ చేయడం మొదలు పెట్టింది. ఆసుపత్రికి వచ్చిన ఒక పేషెంట్ తో పరిచయం ఏర్పర్చుకొని ఆ తర్వాత భారీగా డబ్బులు గుంజాలి అని భావించిన సదరు నర్స్.. డబ్బులు ఇచ్చేందుకు పేషెంట్ నిరాకరించడంతో బెదిరింపులకు పాల్పడింది. చివరికి బాధితుడు పోలీసులను ఆశ్రయించడంతో చివరికి నర్సు కటకటాల పాలు కావాల్సిన పరిస్థితులు ఏర్పడ్డాయి. పూణేలో ఈ ఘటన వెలుగులోకి వచ్చింది. పుణేకు చెందిన ఓ వ్యక్తి ఇటీవలే ఆరోగ్య సమస్యలు రావడంతో దగ్గరలో ఉన్న ఓ ఆస్పత్రికి వెళ్లాడు.
అక్కడ ఓ మహిళ నర్స్ గా పనిచేస్తుంది. ఈ క్రమంలోనే ఆస్పత్రికి వెళ్లిన పేషెంట్ తో సదరు నర్సు పరిచయం పెంచుకుంది. మాటలు కలిపి ఏకంగా పేషెంట్ ఫోన్ నెంబర్ కూడా తీసుకుంది. ఆ తర్వాత ఆ పేషెంట్ తో చాటింగ్ చేయడం కూడా మొదలు పెట్టింది. కొన్నాళ్ళ వరకు బాగానే మాట్లాడిన నర్సు ఆ తర్వాత మాత్రం అతనిని బ్లాక్ మెయిల్ చేయడం మొదలుపెట్టింది. 20 లక్షలు ఇవ్వకపోతే నువ్వు చేసిన చాటింగ్ మొత్తం మెసేజ్ లు పబ్లిక్ లో పెడతాను రచ్చరచ్చ చేస్తాను అంటూ బెదిరింపులకు పాల్పడింది. ఇక రోజురోజుకీ సదరు నర్స్ వేధింపులు ఎక్కువై పోవడంతో చివరికి పోలీసులను ఆశ్రయించాడు బాధితుడు. ఈ ఘటనపై కేసు నమోదు చేసుకున్న పోలీసులు చివరికి ఆ సదరు మహిళను అరెస్టు చేసి కటకటాల వెనక్కి పంపించారు.