భార్యకు విడాకులిచ్చిన ఆనందం.. బంగి జంప్ చేశాడు.. కానీ చివరికి?
అతని పేరు రాఫెల్డోస్ శాంటోస్ టోష్ట. అతని వయసు 22 సంవత్సరాలు. ఇటీవలే బ్రెజిల్ లోని కాంపో మార్గోకి వెళ్ళాడు. అది ఒక మంచి బంగి జంప్ స్పాట్. అక్కడ 70 అడుగుల భయంకరమైన లోయ ఉంటుంది. ఇక వంతెన పైనుంచి బంగి జంప్ చేశాడు సదరు యువకుడు. ఇక అందరూ లాగానే అతను కూడా బంగే జంప్ చేశాడు. కానీ ఎక్కడో తేడా కొట్టేసింది. తాడు ఒక్కసారిగా తెగిపడిపోయింది. దీంతో లోయలోని నీటిలో పడిపోయాడు. అయితే నీరు తక్కువగా ఉండడం అతనికి దురదృష్టంగా మారిపోయింది. ఇంకేముంది అతను కళ్ళు తెరిచి చూసేసరికి ఏకంగా ఆసుపత్రి బెడ్ మీద ఉన్నాడు. చుట్టూ జనం గుమిగుడి ఉన్నారు.
ఇక ఇప్పుడు ఆస్పత్రి బెడ్ పై కోలుకుంటున్నాడు సదరు యువకుడు. ఇంతకీ ఇంత సాహసం ఎందుకు చేసావ్ అయ్యా అని అడిగితే.. తన భార్యకు విడాకులు ఇచ్చేసిన ఆనందంలో ఏదో సాధించేసిన ఫీలింగ్ వచ్చిందట. దీంతో ఇక జీవితాన్ని బాగా ఎంజాయ్ చేయాలి అనుకున్నాడట. ఎప్పుడు సైలెంట్ గా ఉండే తాను ఇక ఆ సమయంలో మాత్రం చిన్న చిన్న సాహసాలు చేయాలనిపించి.. ఇక బంగి జంప్ చేశాను అంటూ చెబుతున్నాడు సదరు యువకుడు. కానీ ఇలాంటి చేదు అనుభవం ఎదురవుతుంది అని మాత్రం ఊహించలేదని.. అదృష్టవశాత్తు ప్రాణాలతో బయటపడ్డాను అని చెబుతున్నాడు సదరు యువకుడు.