ఓర్నీ: భార్య అకౌంట్లో డబ్బు కాజేసేందుకు భర్త స్కెచ్.. షాకైన అధికారులు..!!
ఈ తరుణంలోనే అతడు భార్యతో గొడవపడి ఆమెను ఇంటి నుంచి బయటికి పంపించాడు. అయితే నిర్మలను ఇంటి నుంచి గెంటేసిన కొన్నాళ్లకు ఆమె మెంబర్గా ఉన్న డ్వాక్రా సంఘానికి రూ.10 లక్షల రుణం మంజూరు అయ్యింది. దీంతో గ్రూపు లీడర్ సభ్యులందరికీ రూ.లక్ష చొప్పున అకౌంట్ జమ చేశారు.
ఈ విషయం తెలుసుకున్న శ్రీనివాస్ ఆమె అకౌంట్లో ఉన్న లక్ష రూపాయలు కాజేయడానికి స్కెచ్ వేశాడు. ఆమె బ్యాంక్ పాస్ పుస్తకంలో భార్య ఫోటో తీసేసి.. తాను అక్రమ సంబంధం పెట్టుకున్న మహిళ ఫోటో పెట్టాడు. అంతేకాక ఆమె సంతకాన్ని కూడా ఫోర్జరీ చేసి స్థానిక సప్తగిరి బ్యాంక్ అధికారులను నమ్మించి లక్ష రూపాయలు డ్రా చేసి ఆ డబ్బుతో ప్రియురాలితో కలిసి పారిపోయాడు.
ఇక ఈ విషయం తెలుసుకున్న నిర్మల బ్యాంక్ అధికారులను నిలదీయడంతో అసలు విషయం వెలుగులోకి వచ్చింది. అయితే తమ పరువు పోతుందని భావించిన బ్యాంక్ అధికారులు.. స్థానిక పెద్దల సాయంతో నిర్మలతో రాజీపడినట్లు తెలుస్తోంది. ఇక నిర్మల పేరిట కొత్త అకౌంట్ ఓపెన్ చేయడంతో పాటు అందులో కొంత నగదు కూడా జమ చేసినట్లు సమాచారం. అయితే నిర్మల అకౌంట్లో డబ్బులు దుర్వినియోగమైనా.. ఆమెకు అన్యాయం జరగకుండా చర్యలు తీసుకున్నామని బ్యాంక్ మేనేజర్ వెల్లడించారు.