తెలంగాణలో ట్రాన్స్‌జెండర్‌కు టికెట్‌ ఇచ్చిన తొలిపార్టీ!
బీఎస్‌పీ అభ్యర్థుల రెండో విడత జాబితా ప్రకటించింది. ఇప్పటికే 20 మంది అభ్యర్థులను ప్రకటించిన బీఎస్‌పీ అధిష్టానం... ఇప్పుడు రెండో విడతలో 43 మందితో కూడిన అభ్యర్థుల జాబితా విడుదల చేసింది. ఇందులో వరంగల్ ఈస్ట్ నియోజకవర్గం నుంచి బీఎస్‌పీ అభ్యర్థిగా ట్రాన్స్‌జెండర్‌ చిత్రపు పుష్పకలయ పేరు ఖరారు చేసి ప్రకటించారు. వివిధ పార్టీల నుంచి పలువురు నాయకులు, కార్యకర్తలు ఆ పార్టీ రాష్ట్ర అధ్యక్షుడు ఆర్ఎస్‌ ప్రవీణ్‌ కుమార్ సమీక్షంలో బీఎస్‌పీలో చేరి పార్టీ కండువా కప్పుకున్నారు.
వచ్చే ఎన్నికల్లో కేసీఆర్ దోపిడీ పాలనకు చరమగీతం పాడాలని ఆర్ఎస్‌ ప్రవీణ్‌ కుమార్ సూచించారు. టీఎస్‌పీఎస్‌సీని భ్రస్టు పట్టించిన ముఖ్యమంత్రి, ఆయన కుమారుడు ఎన్నికల ప్రచారంలో మొసలి కన్నీరు కారుస్తున్నారని... యావత్ నిరుద్యోగ యువత బీఎస్‌పీ వైపు చూస్తోందని ఆర్ఎస్‌ ప్రవీణ్‌ కుమార్ అన్నారు. ఈ ఎన్నికల ప్రచారంలో భాగంగా భారాస నిర్వహిస్తున్న ప్రజా ఆశీర్వాద సభలకు వెళ్లవద్దని... ఒకవేళ వెళితే ద్రోహం చేసినట్లేనని, అవి ప్రజలను హింసించిన సభలు అని ఆర్ఎస్‌ ప్రవీణ్‌ కుమార్ మండిపడ్డారు.
వచ్చే ఎన్నికల్లో కేసీఆర్ దోపిడీ పాలనకు చరమగీతం పాడాలని ఆర్ఎస్‌ ప్రవీణ్‌ కుమార్ సూచించారు. టీఎస్‌పీఎస్‌సీని భ్రస్టు పట్టించిన ముఖ్యమంత్రి, ఆయన కుమారుడు ఎన్నికల ప్రచారంలో మొసలి కన్నీరు కారుస్తున్నారని... యావత్ నిరుద్యోగ యువత బీఎస్‌పీ వైపు చూస్తోందని ఆర్ఎస్‌ ప్రవీణ్‌ కుమార్ అన్నారు. ఈ ఎన్నికల ప్రచారంలో భాగంగా భారాస నిర్వహిస్తున్న ప్రజా ఆశీర్వాద సభలకు వెళ్లవద్దని... ఒకవేళ వెళితే ద్రోహం చేసినట్లేనని, అవి ప్రజలను హింసించిన సభలు అని ఆర్ఎస్‌ ప్రవీణ్‌ కుమార్ మండిపడ్డారు.