మందారంతో వత్తైన జుట్టు మీ సొంతం.. ఎలా అంటే?
మందార పువ్వు మన జుట్టు పెరుగుదలకు ఎంతగానో సహకరిస్తుంది.మన జుట్టు పెరుగుదలకు అవసరమైన కెరోటిన్ ఉత్పత్తి అవడానికి అమైనో ఆమ్లాలు వంటి పోషకాలు మందార పువ్వులో పుష్కలంగా లభిస్తాయి. ఈ మందార పువ్వును మెత్తగా రుబ్బి, జుట్టుకు పట్టించి ఒక అరగంట సేపు ఆరనివ్వాలి. ఆ తర్వాత గోరువెచ్చని నీటితో కడిగేయాలి. ఇలా నెలకు మూడు సార్లు చేయడం వల్ల జుట్టు పెరుగుదలకు కావలసిన అమైనో ఆమ్లాలు సమృద్ధిగా దొరికి తొందరగా జుట్టు పెరుగుతుంది.
మృదువైన, అందమైన లుక్ కోసం మీరు ఎల్లప్పుడూ మందార పువ్వును ఉపయోగించవచ్చు. ఈ మందార పువ్వును ఎండబెట్టి పొడి చేసుకుని, అందుకు కొద్దిగా అలోవెరా జెల్ ను కలిపి మాడుకు పూర్తిగా పట్టించాలి.ఈ పేస్ట్ ను వారానికి కనీసం రెండు సార్లు వాడడం వల్ల అందమైన, ప్రకాశవంతమైన జుట్టు మీ సొంతం అవుతుంది.మార్కెట్లో దొరికే ఎన్నో రసాయనాలతో కూడిన మందార షాంపూలను అమ్ముతుంటారు. ఇలాంటి వాటి వల్ల జుట్టు ప్రకాశంవంతం చేయకపోగా, నిర్జీవంగా తయారవుతుంది. ఇలాంటి వాటి నుండి బయట పడాలంటే ఇంట్లో తయారుచేసుకునే మందార పొడిని నీటిలో కలిపి, షాంపూలాగా ఉపయోగించుకుంటే మంచి ఫలితం ఉంటుంది.
మందార పువ్వు రక్తస్రావాన్ని నివారించే లక్షణం కలిగి ఉంటుంది. ఇది జుట్టు మొదళ్లలో విడుదలయ్యే అధిక నూనె శాతాన్ని తగ్గించి,చుండ్రుతో పాటు దురదను తగ్గిస్తుంది.ఇందుకోసం మందారపొడి, గోరింటాకుపొడి, రెండు చుక్కల నిమ్మరసంతో కలిపి పేస్ట్ లా చేసుకోవాలి. ఈ పేస్ట్ ను మాడుకు పట్టించి, తేలికగా మసాజ్ చేయాలి.ఇలా చేయడం వల్ల మాడుకు చల్లదనంతో పాటు చుండ్రు వంటి సమస్యలు నుంచి ఉపశమనం కలుగుతుంది.
మందార పువ్వుకు జుట్టు రాలడం వంటి సమస్యలు నివారించే లక్షణం కూడా ఉంది.వీటిలో లభించే విటమిన్ సి, అమైనో ఆమ్లాలు జుట్టు రాలడాన్ని నివారిస్తాయి. ఇందుకోసం మందార పొడిని బాదం నూనెతో కలిపి రాసుకుంటే మంచి ఫలితం ఉంటుంది.