క్రెడిట్ కార్డ్: ఆదాయం లేకుండా పొందడం ఎలా?
క్రెడిట్ కార్డ్ పొందాలంటే ఖచ్చితంగా ఆదాయం అనేది బాగా ఉండాలి. అయితే ఆదాయం లేకుండా కూడా కొన్ని మార్గాల్లో క్రెడిట్ కార్డు పొందొచ్చు..అది ఎలానో ఇప్పుడు మనం తెలుసుకుందాం.బ్యాంకులో జాయింట్‌ ఖాతా తరహాలోనే క్రెడిట్ కార్డుని కూడా పొందొచ్చు. సహ-దరఖాస్తుదారుడి ఆదాయ పత్రాలు కార్డు జారీకి అర్హమైనవే అయితే సరిపోతుంది. ఆ వ్యక్తి స్తోమతను ఆధారంగా చేసుకొని జాయింట్‌ కార్డుని జారీ చేస్తారు.ఇంకా అలాగే ఇప్పటికే ఒక క్రెడిట్ కార్డు ఉన్నట్లయితే.. దాన్ని ఆధారంగా చేసుకొని సంస్థలు మరో యాడ్‌-ఆన్‌ కార్డుని జారీ చేస్తుంటాయి. దీనికి ఎలాంటి ఆదాయ పత్రాలు సమర్పించాల్సిన అవసరం ఉండదు. రెండింట్లో దాదాపు ఒకే ప్రయోజనాలు ఉంటాయి. కుటుంబంలో ఒకరికి కార్డు ఉండి, వారి క్రెడిట్ చరిత్ర బాగున్నట్లయితే.. మరొకరి కోసం యాడ్‌-ఆన్‌ కార్డు తీసుకోవచ్చు.అలాగే కొన్ని సంస్థలు బ్యాంక్‌ బ్యాలెన్స్‌ను ఆధారంగా చేసుకొని కూడా క్రెడిట్ కార్డుని జారీ చేస్తున్నాయి. బ్యాంకు ఖాతాలో నిత్యం తగినంత సొమ్ము ఉంటుందని ఆధారాలు సమర్పించాల్సి ఉంటుంది. పెద్ద ఎత్తున లావాదేవీల ద్వారా నిరంతరం ఖాతాలో డబ్బు జమై ఉంటుందని చూపించగలగాలి. అలాగే క్రెడిట్/డెట్‌ నిష్పత్తిని సరిగా నిర్వహించాలి. అప్పుడు బిల్లును సకాలంలో చెల్లించేందుకు కావాల్సిన డబ్బులు ఉంటాయని సంస్థలు విశ్వసించి కార్డును జారీ చేస్తాయి.
ఇంకా ఫిక్స్‌డ్‌ డిపాజిట్‌ తరహాలోనే మ్యూచువల్‌ ఫండ్లను చూపించి కూడా క్రెడిట్ కార్డును తీసుకోవచ్చు. ఇది కూడా సెక్యూర్డ్‌ క్రెడిట్ కార్డు పరిధిలోకే వస్తుంది. ఒకవేళ బిల్లు ఎగ్గొట్టినట్లయితే.. బ్యాంకులు మ్యూచువల్‌ ఫండ్ల నుంచి వసూలు చేసుకునే అవకాశం ఉంటుంది.ఇంకా ఆదాయం లేకుండా క్రెడిట్ కార్డు తీసుకోవాలనుకునే చాలా మంది ఫిక్స్‌డ్‌ డిపాజిట్‌ను ఆధారం చేసుకుంటారు. అంటే ఫిక్స్‌డ్‌ డిపాజిట్‌ సొమ్మును తనఖా పెట్టి కార్డు తీసుకుంటున్నారు.దీన్నే సెక్యూర్డ్‌ క్రెడిట్ కార్డు అంటారు. ఎఫ్‌డీ మొత్తంలో 75-90 శాతాన్ని క్రెడిట్ కార్డు పరిమితిగా విధిస్తారు.అలాగే కొన్ని సంస్థలు విద్యార్థులకు కూడా క్రెడిట్ కార్డులు అందజేస్తున్నాయి. తక్కువ క్రెడిట్ పరిమితితో దీన్ని ఇస్తాయి. ప్రత్యేకంగా విద్యార్థుల అవసరాలను దృష్టిలో ఉంచుకొని వీటిని రూపొందించాయి. అయితే, దీనికోసం ఏదో ఒకటి తనఖా పెట్టాల్సి ఉంటుంది. ఏదైనా పార్ట్‌-టైం ఉద్యోగం చేస్తున్నట్లయినా చూపించాలి. లేదంటే ఫిక్స్‌డ్‌ డిపాజిట్‌, పొదుపు ఖాతాను చూపించి తీసుకోవాలి. సాధారణ క్రెడిట్ కార్డుల్లా స్టూడెంట్‌ కార్డుల్లో అన్ని వెసులుబాట్లు ఉండవు. ప్రవేశ రుసుము, వార్షిక ఫీజులు నామమాత్రంగా ఉంటాయి.