జుట్టు సంరక్షణకు అదిరిపోయే టిప్స్?
ఇక మహిళల అందాన్ని బాగా రెట్టింపు చేయడంలో వారి జుట్టు కూడా చాలా కీలక పాత్ర అని చెప్పాలి. పొడవాటి జుట్టును చూసి వివాహాలు చేసుకున్న వారు, ప్రేమించిన వారు కూడా ఉన్నారు. మహిళలు కూడా తమ జుట్టు సంరక్షణకు ప్రత్యేక శ్రద్ద వహిస్తారు. మెరిసే, మృదువైన జుట్టు ఉంటే.. అనేక రకాలుగా కేశాలంకరణ చేసుకోవడానికి వీలుంటుంది. అందుకే రకరకాల ప్రోడక్ట్స్ ఉపయోగించి మరీ జుట్టును కాపాడుకుంటారు మహిళామణులు. అయితే, ప్రస్తుత వాతావరణ కాలుష్యం, బిజీ లైఫ్లో చాలా మంది జుట్టు సంబంధిత సమస్యలతో సతమతం అవుతున్నారు. జుట్టు సహజ సౌందర్యం కోల్పోతోంది. కానీ ఈ టిప్స్ పాటిస్తే జుట్టుకు సంబంధించిన ఏ సమస్యలు కూడా రావు. మరి ఆ టిప్స్ ఏంటో ఇప్పుడు మనం తెలుసుకుందాం.జుట్టు సంరక్షణ కోసం తేనె ను కూడా ఉపయోగించవచ్చు. జుట్టును మృదువుగా చేయడంలో తేనె అద్భుతంగా పని చేస్తుంది. దీనిని పెరుగుతో కలిపి అప్లై చేస్తే అద్భుత ప్రయోజనం ఉంటుందని చెబుతున్నారు హెయిర్ కేర్ నిపుణులు.జుట్టు సంరక్షణకు కొబ్బరి నూనెను కూడా ఉపయోగించవచ్చు.
కొబ్బరి నూనెతో జుట్టుకు మర్దన చేయడం వల్ల జుట్టు మృదువుగా, మెరిసేలా మారుతుంది. జుట్టుకు కొత్త శక్తిని ఇస్తుంది. కొబ్బరి నూనెలలో విటమిన్ ఇ ఉంటుంది. ఇది జుట్టును తేమగా మారుస్తుంది. పొడిబారకుండా చేస్తుంది.మీ జుట్టు సౌందర్యాన్ని కోల్పోయినట్లయితే, ఆ మెరుపును తిరిగి పొందాలనుకుంటే 'బీర్' అద్భుతంగా పని చేస్తుందని చెబుతున్నారు నిపుణులు. జుట్టు సంరక్షణ కోసం బీర్ను కూడా ఉపయోగించవచ్చునని చెబుతున్నారు. బీర్ చాలా మంది హెయిర్ టానిక్ మాదిరిగా పని చేస్తుందట. ఇందులో ఉండే ప్రోటీన్స్ జుట్టును రిపేర్ చేస్తాయి. ఇది జుట్టు మెరుపును పునరుద్ధరిస్తుంది.ఆరోగ్యకరమైన, మెరిసే జుట్టు కోసం గుడ్డును ఉపయోగించవచ్చు. గుడ్డులో ప్రోటీన్స్, కొవ్వు ఆమ్లాలు, లెక్టిన్లు పుష్కలంగా ఉంటాయి. ఇవి జుట్టును ఆరోగ్యంగా మారుస్తాయి. ఇందులో ఆలివ్ ఆయిల్ కలిపి అప్లై చేస్తే మరింత వేగంగా ప్రభావం అనేది కనిపిస్తుంది.