కియా సెల్టోస్: వావ్.. సూపర్ రికార్డ్?
ఇక మన భారతదేశంలో ప్రారంభమైన అతి తక్కువ కాలంలోనే అత్యంత ప్రజాదరణ పొందిన 'కియా మోటార్స్' (Kia Motors) 'సెల్టోస్' (Seltos) ఇప్పుడు అమ్మకాల్లో ఏకంగా ఓ అద్భుతమైన రికార్డును తన ఖాతాలో వేసుకుంది.ఇక కేవలం మూడు సంవత్సరాల కాలంలో ఇంత గొప్ప రికార్డ్ సాధించిన కియా కారు ఇదే అవుతుంది.ఇక కియా సెల్టోస్ మార్కెట్లో అడుగుపెట్టినప్పటినుంచి 3,00,000 యూనిట్ల విక్రయాలను పొందింది. కియా కంపెనీ మొత్తం అమ్మకాల్లో దాదాపు 60% అమ్మకాల్లో ఈ సెల్టోస్ కార్ ఉండటం గమనార్హం. ఇటీవల కియా కంపెనీ దేశంలో మొత్తం 5 లక్షల కార్లను విక్రయించగలిగినట్లు అధికారికంగా ప్రకటించింది.ఇప్పటి వరకు కూడా మొత్తం 91 కంటే ఎక్కువ దేశాలకు 103,033 యూనిట్ల సెల్టోస్లను ఎగుమతి చేసింది.ఇక దీన్ని బట్టి చూస్తే.. కంపెనీ ఈ మోడల్ కి మార్కెట్లో ఎంత ఆదరణ ఉందో చాలా స్పష్టంగా అర్థమవుతోంది.అలాగే ఎక్కువమంది కొనుగోలుదారులు డీజిల్ పవర్ట్రెయిన్తో కూడిన సెల్టోస్ కొత్త IMT వేరియంట్ కొనుగోలుచేయడానికి ఆసక్తి చూపుతున్నారు.
ఇక కంపెనీ అందించిన సమాచారం ప్రకారం 2022 సంవత్సరంలో ప్రతి 10 మంది సెల్టోస్ కొనుగోలుదారులలో ఒకరు ఇక ఈ వేరియంట్ను సెలెక్ట్ చేసుకుంటున్నారు. ఇంకా అదే సమయంలో సెల్టోస్ హెచ్టిఎస్ పెట్రోల్ వేరియంట్ కూడా ఇప్పుడు బాగా ప్రాచుర్యం పొందింది. అయితే ఎక్కువమంది వైట్ కలర్ సెల్టోస్ కొనటానికి చాలా ఎక్కువ ఆసక్తి చూపుతున్నట్లు తెలుస్తోంది.కంపెనీ పెట్రోల్ ఇంకా డీజిల్ మోడళ్ల అమ్మకాలు దాదాపు సమానంగా ఉన్నట్లు కూడా నివేదికలు చెబుతున్నాయి. దీని గురించి కియా ఇండియా చీఫ్ సేల్స్ ఆఫీసర్ అయిన మ్యూన్-సిక్ సోహన్ మాట్లాడుతూ.. ఇటీవల, మేము ఈ సెల్టోస్లో ఆరు ఎయిర్బ్యాగ్లను ప్రామాణికంగా ప్రవేశపెట్టాము. ఇక ఇది వాహన వినియోగాదారులకు చాలా అనుకూలంగా ఉంటుంది. కావున రానున్న రోజుల్లో ఇది మరింత మంచి అమ్మకాలను కూడా పొందుతుందని ఆశిస్తున్నట్లు చెబుతున్నారు.