లైసెన్స్ అక్కర్లేని ఆ బండి ఏంటో తెలుసా..?
తాజాగా హైదరాబాద్ కు చెందిన విద్యుత్ వాహన సంస్థ ఆటుమొబైల్ ప్రైవేట్ లిమిటెడ్ సరికొత్త ఎలక్ట్రిక్ మోటార్ సైకిల్ ను లాంచ్ చేసింది. అదే ఆటూమ్ 1.0 ఎలక్ట్రిక్ కేఫ్ రేసర్. ఎక్స్ షోరూంలో ఈ ఎలక్ట్రిక్ బైక్ ప్రారంభ ధర వచ్చేసి రూ.50,000 లుగా సంస్థ నిర్ణయించింది. ఈ బైక్ ను కేవలం 4 గంటల్లో ఛార్జింగ్ చేసుకోవచ్చు అని కంపెనీ వెల్లడించింది. ఈ ఆటూమ్ 1.0 ఎలక్ట్రిక్ కేఫ్ రేసర్ బైక్ కు ఒక్కసారి ఛార్జింగ్ పెట్టామంటే 100 కిలోమీటర్ల వరకు ప్రయాణించవచ్చు...
ఇక మరో విషయమేంటంటే.. ఈ వాహనానికి రెండేళ్లు పాటు గ్యారంటీ ఇస్తున్నట్లు తెలుస్తుంది.ఈ మోటార్ సైకిల్ కు 2 సంవత్సరాల బ్యాటరీ వారంటీ ఇచ్చింది సంస్థ. వాహనానికి సంబంధించి ఉపయోగించిన విడిభాగాలకు కూడా ఈ వారంటీ వర్తిస్తుంది. ఈ వాహనాన్ని కొనడానికి ఎటువంటి రిజిస్ట్రేషన్ అవసరం లేదట..అంతేకాదు మరి ముఖ్యమైన అంశం ఏంటంటే ఈ బైక్ ను నడపడానికి ఎటువంటి లైసెన్స్ అవసరం లేదని చెబుతున్నారు.ఎలక్ట్రిక్ కేఫ్ రేసర్ పోర్టబుల్ బరువు తక్కువగా ఉంటుంది. దీని బ్యాటరీ బరువు 6 కేజీలు. ఛార్జింగ్ కోసం ఓ యూనిట్ విద్యుత్ ను వాడుకుంటుంది. కాగా, 100 కిలో మీటర్ల ప్రయాణానికి కేవలం 7 నుంచి పది రూపాయల లోపు మాత్రమే చార్జీలు జరుగుతున్న సంగతి తెలిసిందే.. తక్కువ ఖర్చుతో , ఎక్కువ దూరం ప్రయాణించే ఈ వెహికల్ కొనడానికి జనాలు కూడా ఎక్కువ ఇంట్రెస్ట్ చూపిస్తున్నారు..