విజయం మీదే: భార్యాభర్తల మధ్య వచ్చే గొడవలను ఇలా ఎదుర్కోండి ?
భార్య భర్తల మధ్య గొడవలు తలెత్తడం సహజం. ఒకే ఇంట్లో కలిసుంటూ, కష్టసుఖాలను పంచుకుంటూ జీవితాన్ని కొనసాగిస్తున్నప్పుడు ఏదో ఒక సదర్బంలో ఏదో ఒక విషయం పై ఇరువురికి మనస్పర్ధలు రావడం సహజం. వాస్తవానికి అలా చిన్న చిన్న గొడవలు జరిగినప్పుడే ఒకరి మనస్తత్వం మరొకరికి పూర్తిగా అర్థం అవుతుంది అంటున్నారు విశ్లేషకులు. ఆ చిన్న చిన్న గొడవల సందర్భంలోనే ఒకరినొకరు పూర్తిగా అర్ధం చేసుకోవడం జరుగుతుందని అంటున్నారు. అప్పుడే భార్య, భర్తలు ఇరువురు ఎవరు ఏ మాటలకు ఎక్కువ బాధపడతారు. వారికి ఎలా మాట్లాడితే నచ్చుతుంది, ఏ అంశాలు వారికి బాధ కలిగిస్తాయి అన్న విషయాలు తెలుస్తాయి.
కాబట్టి ఎంతటి గొడవైనా మర్చిపోయి ముందు భవిష్యత్తును గుర్తు చేసుకుని సాగిపోవాలి. అపుడే దాంపత్య జీవితం సవ్యంగా సాగుతుంది. మాట మాట పెంచుకుంటే సమస్యల్లో పడేది మన జీవితమే అన్నది గుర్తుంచుకోవాలి. ఒకరి కోసం మరొకరు తగ్గడంలో ఏ మాత్రం తప్పులేదు. నిజానికి అదే మీ బంధాన్ని మరింత దృఢంగా మారుస్తుంది. ఒకరి అభిప్రాయాలు మరొకరు పంచుకోవడం అది మీకు నచ్చనపుడు సున్నితంగా వారికి అర్థమయ్యేలా తెలియచేయడం ముఖ్యం.