విజయం మీదే: బలాలు, బలహీనతలను గుర్తిస్తే ఏ పనిలోనైనా విజయం మీ సొంతం
ప్రతి మనిషికి కొన్ని బలాలు, బలహీనతలు ఉంటాయి. మనలోని బలాలను, బలహీనతలను గుర్తిస్తే జీవితంలో చేపట్టే ఏ పనిలోనైనా సులభంగా సక్సెస్ అందుకోవచ్చు, మన బలహీనతలను అధిగమించే క్రమంలోనే మన బలాలేంటో సులభంగా అర్థమవుతాయి. ప్రతి వ్యక్తిలోను కొన్ని బలహీనతలు ఉంటాయి. ఎవరైతే బలహీనతలను అధిగమిస్తారో... బలహీనతలను బలంగా మార్చుకుంటారో వారు జీవితంలో సులభంగా సక్సెస్ అవుతారు.
జీవితంలో సక్సెస్ కావాలంటే మొదట మన బలహీనతలు, బలాలను గుర్తించాలి. బలహీనతలను అధిగమించడానికి ఏం చేయాలో ప్రణాళిక వేసుకోవాలి. కొందరు బలహీనతలను తెలిసినా అంగీకరించరు. ఇలాంటి ప్రవర్తన వల్ల నష్టపోయే అవకాశం ఎక్కువగా ఉంటుందని గుర్తుంచుకోవాలి. బలహీనతలు ఉన్నప్పటికీ గుర్తించలేకపోతే ఇతరుల సహాయం తీసుకోవాలి. వారు చెప్పిన సలహాలు, సూచనల గురించి ఆలోచించి ఒక నిర్ణయానికి రావాలి.
బలహీనతలను గుర్తించిన తర్వాత ఆ బలహీనతల యొక్క ప్రభావాన్ని తగ్గించేందుకు కృషి చేయాలి. అందుకోసం ఎలాంటి చర్యలు తీసుకోవాలో ఆలోచించాలి. కొన్నిసార్లు నైపుణ్యతను పెంచుకోవడం ద్వారా బలహీనతలను అధిగమించవచ్చు. నైపుణ్యాలను రోజూ కొంత పెంచుకుంటూ వెళితే దీర్ఘ కాలంలో ఆ నైపుణ్యాలు ఎంతో సహాయపడతాయి. ఒంటరిగా సక్సెస్ సాధించలేకపోతే ఆ నైపుణ్యాలు ఉన్నవారి సహాయ సహకారాలు తీసుకోవాలి. ఆ తర్వాత మీ బలం, వారి బలం కలిపి సక్సెస్ ను సులభంగా అందుకోవచ్చు.