వైరల్ : ఫోన్ను ఎత్తుకుపోయిన చిలుక.. చివరికి..?
ప్రజెంట్ ప్రతీ ఒక్కరి వద్ద స్మార్ట్ ఫోన్ కంపల్సరీగా ఉంటోంది. దాంతో చాలా మంది ఫొటోలు, సెల్ఫీవీడియోలు తీసుకుంటున్నారు. ఇకపోతే ఏదేని డిఫరెంట్ ప్లేస్కు వెళ్తే ఫొటో సెషన్స్ కండక్ట్ చేసుకుంటున్నారు. ప్రత్యేకంగా మేకప్ అయి ఫొటోలు దిగుతున్నారు. ఈ నేపథ్యంలోనే కొన్ని ఫన్నీ ఇన్సిడెంట్స్ జరగడం మనం చూడొచ్చు. కోతులు మన వస్తువులును ఎత్తుకెళ్లిన మాదిరిగానే ఓ బర్డ్ ఫోన్ను ఎత్తుకెళ్లింది. ఈ ఘటనకు సంబంధించిన వీడియో ప్రస్తుతం నెట్టింట సందడి చేస్తోంది.
సదరు వైరల్ వీడియోలో ఓ వ్యక్తి ఇంట్లో మిద్దె మీద తన మొబైల్ ఫోన్ను చేతిలో పట్టుకుని ఉన్నాడు. ఈ నేపథ్యంలోనే ఫొటోలు దిగుతున్నాడో లేదా మరేం చేస్తున్నాడో తెలియదు. కానీ, కాసేపటికి తన ఫోన్ పిట్టగోడ మీద ఉంచాడు. అంతే.. ఎక్కడో నుంచి వచ్చి ఓ రామచిలుక ఆ ఫోన్ను ఫుడ్ ఐటమ్ అనుకుని తన కాళ్ల మధ్యలో పట్టుకొని తుర్రున గాలిలో ఎగిరింది. ఈ క్రమంలోనే అతడికి శబ్దం వినపడగా చూస్తే అప్పటికే ఫోన్ మామయైంది. రామచిలుక ఆ ఫోన్ను పట్టుకుని అప్పటికే చాలా దూరం వెళ్లిపోయింది.
ఈ నేపథ్యంలోనే సదరు వ్యక్తి ఫోన్ కోసం పక్షిని వెంబడించాడు. అయితే, ఇదంతా కూడా ఫోన్లో రికార్డు అయింది. స్మార్ట్ ఫోన్ ఆన్లోనే ఉండటం వల్ల రికార్డు కాగా, అది సోషల్ మీడియాలో స్పష్టంగా కనబడుతోంది. ఈ ఘటన ఎక్కడ జరిగిందో దానికి సంబంధించిన పూర్తి వివరాలు అయితే తెలియరాలేదు. ఫ్రెడ్జ్ స్కూల్జ్ అనే యూజర్ ట్విట్టర్ వేదికగా వీడియోను పోస్ట్ చేయగా, అది కాస్తా నెట్టింట వైరలవుతోంది. ఇక ఈ వీడియో చూసి నెటిజన్లు పలు రకాలుగా స్పందిస్తున్నారు. ‘భలే చిలుక... సెల్ఫీదిగేందుకు ఈ పని చేసుంటుందని, ఇది అసలు నిజమైనా వీడియోననేనా, వెయిట్ ఉన్న స్మార్ట్ ఫోన్ను బర్డ్ ఎలా క్యారీ చేయగలిగింది’ అని నెటిజన్లు కామెంట్స్ చేస్తున్నారు. మొత్తానికి రామ చిలుక వీడియో నెట్టింట సందడి చేస్తుందనే చెప్పాలి.