వైరల్ వీడియో : పేరెంట్స్ ప్రాణాలు కాపాడిన నాలుగేళ్ల చిన్నారి?
ఊరుకోండి బాసు... నాలుగేళ్ల చిన్నారి మొత్తం కుటుంబాన్ని ఎలా రక్షించుకోగలుగుతుంది.. అని అంటారు ఈ విషయం తెలిస్తే ఎవరైనా. కానీ ఇక్కడ జరిగిన ఘటన తెలిస్తే మాత్రం ఆ చిన్నారి తెలివికి హ్యాట్సాఫ్ చెప్పకుండా ఉండలేరు. సాధారణంగా అయితే నాలుగేళ్ల వయసు వచ్చిన వాళ్ళు బయట స్నేహితులతో ఆడుకుంటూ సరదాగా గడుపుతూ ఉంటారు. ఇక్కడ ఒక చిన్నారి కూడా అలాగే స్నేహితులతో సరదాగా గడుపుతున్న సమయంలో వంటింట్లో ఏదో జరుగుతుంది అని గమనించింది. దీంతో ఆ చిన్నారి పరుగున వెళ్ళి చూసే సరికి మంటలు చెలరేగుతున్నాయి. ఈ క్రమంలోనే ఇక తండ్రిని లేపి అప్రమత్తం చేయడంతో పెద్ద ప్రమాదం తప్పింది.
ఇలా ఓ నాలుగేళ్ల చిన్నారి అప్రమత్తతో కుటుంబాన్ని ప్రాణాపాయం నుంచి కాపాడిన ఘటన అమెరికాలోని ఫ్లోరిడా లో వెలుగులోకి వచ్చింది. ఫ్లోరిడాలోని ఏమిలియా అనే నాలుగేళ్ల చిన్నారి తన పెంపుడు కుక్కలతో ఆడుకుంటున్న సమయంలో కిచెన్ లో మంటలు రావడం గుర్తించింది. వెంటనే చూసి గదిలో ఉన్న తండ్రిని అప్రమత్తం చేసింది. ఇక గది నుంచి బయటకు వచ్చిన తండ్రి హుటాహుటిన కిచన్ వైపు వెళ్ళాడు. ఎయిర్ ప్రయర్ లీకై మంటలు చెలరేగాయి అని గుర్తించాడు. వెంటనే దాన్ని తీసుకెళ్లి స్విమ్మింగ్ పూల్ లో పడేశాడు. ఇదంతా ఇంట్లో ఉన్న సీసీటీవీ లో రికార్డ్ అయింది. దీనికి దీనికి సంబంధించిన వీడియో కాస్త సోషల్ మీడియాలో వైరల్ గా మారిపోయింది. దీంతో ఇక ఆ చిన్నారి సాహసానికి తెలివికి అందరూ ఫిదా అవుతున్నారు.