മിണ്ടാപ്രാണിയോട് ക്രൂരത കാണിച്ചു കാറുടമ; കൊച്ചിയിൽ നായയുടെ കഴുത്തിൽ കുരുക്കിട്ട് കാറിൽ കെട്ടി വലിച്ചു!
ആർടി രേഖകൾ പ്രകാരം കാറുടമയുടെ പേര് യൂസഫ് എന്നാണെന്നും എന്നാൽ സംഭവസമയത്ത് കാറോടിച്ചത് ഇയാൾ തന്നെയാണോ എന്ന കാര്യത്തിൽ വ്യക്തത വരുത്താനുണ്ടെന്നും പോലീസ് പറഞ്ഞു. സംഭവത്തിൽ ഇതുവരെ ആരെയും അറസ്റ്റ് ചെയ്തിട്ടില്ല. ടാറിട്ട റോഡിലൂടെ സാവധാനത്തിൽ നീങ്ങുന്ന KL 42 j 6379 എന്ന നമ്പറിലുള്ള വെളുത്ത മഹീന്ദ്ര വെറിറ്റോ ടാക്സി കാറിൽ നായയെ കെട്ടി വലിക്കുന്നതിൻ്റെ വീഡിയോ ദൃശ്യങ്ങളാണ് പുറത്തു വന്നത്. കാറിനു പിന്നാലെ ഓടുന്നതാണ് ആദ്യ ദൃശ്യങ്ങളിലുള്ളതെങ്കിലും പിന്നീട് അവശനായ നായ റോഡിലൂടെ നിരങ്ങി മുന്നോട്ടു നീങ്ങുന്നതാണ് ദൃശ്യങ്ങളിലുള്ളത്. സംഭവത്തിൽ വീഡിയോ ദൃശ്യങ്ങൾ പകർത്തിയ ആൾ തന്നെയാണ് പോലീസിൽ പരാതിയുമായി സമീപിച്ചത്.
കാറുടമയുടെ വിവരങ്ങൾ മോട്ടോർ വാഹന വകുപ്പിൽ ലഭ്യമാണെങ്കിലും വാഹനമോടിച്ചത് ആരെന്ന കാര്യത്തിൽ സ്ഥിരീകരണമില്ല.ചെങ്ങമനാട് പോലീസ് സ്റ്റേഷൻ പരിധിയിൽ നടന്ന ഈ ഹീനകൃത്യം ഞാൻ ചോദ്യം ചെയ്തപ്പോൾ ഡ്രൈവർ ദേഷ്യപ്പെടുകയാണുണ്ടായത്. സംഭവത്തിൽ ഉടൻ നടപടി പ്രതീക്ഷക്കുന്നു." വീഡിയോ പകർത്തിയ അഖിൽ കെ എസ് എന്ന യുവാവ് മൃഗസംരക്ഷണ വകുപ്പിനു നൽകിയ പരാതിയിൽ പറയുന്നു. ഇതിനു പുറമെ മൃഗസംരക്ഷണ സംഘടനകൾ പോലീസിനു പരാതി നൽകിയിട്ടുണ്ടെന്നും തങ്ങൾ നായയെ കണ്ടെത്താനുള്ള ശ്രമം തുടരുകയാണെന്നും അഖിൽ സമയം മലയാളത്തോടു പറഞ്ഞു.
"ഇന്നു രാവിലെ ചാലാക്ക ശ്രീ നാരായണ മെഡിക്കൽ കോളേജിൽ നിന്നു വരുന്ന വഴിയിലാണ് ഒരു കാറുടമ നായയെ കാറിൽ കെട്ടിയ ശേഷം ക്രൂരമായി വലിച്ചിഴച്ചു കൊണ്ടു പോകുന്നത് ശ്രദ്ധയിൽപ്പെട്ടത്. അതേസമയം "മൃഗസംരക്ഷണ പ്രവർത്തകരിൽ ഒരാൾ ഇപ്പോൾ ഞങ്ങളുടെ കൂടെയുണ്ട്. നായയെ തേടിക്കൊണ്ടിരിക്കുകയാണ്. കണ്ടെത്തി കഴിഞ്ഞാൽ ആർക്കെങ്കിലും അവർ വളർത്താൻ കൊടുത്തുകൊള്ളും." അഖിൽ പറഞ്ഞു.