వాట్సాప్ నుంచి 5 కొత్త సూపర్ ఫీచర్స్?
వాట్సాప్ మన జీవితంలో ఎంత ముఖ్య పాత్ర పోషిస్తుందో ప్రత్యేకంగా చెప్పనవసరం లేదు. వాట్సాప్ ఇప్పుడు మొత్తం ఐదు కొత్త ఫీచర్లను పరిచయం చేస్తోంది. సీక్రెట్ కోడ్, కొత్త చాట్ అటాచ్ మెంట్, అప్ డేట్ ట్యాబ్ లో కొత్తగా సెర్చ్ బటన్, పిన్డ్ మెసేజ్ ఇంకా ఐపీ అడ్రస్ ను సంరక్షించాడానికి ప్రైవసీ ప్రొటెక్ట్ వంటి ఫీచర్లను తీసుకురానుంది. వాబీటా ఇన్ ఫో రిపోర్టు ప్రకారం ఇప్పటికే కొంతమంది బీటా టెస్టర్లకు ఈ ఫీచర్ అనేది అందుబాటులోకి వచ్చింది. ఇక రానున్న కొన్ని వారాల్లో అందరికీ అందుబాటులోకి రానుంది. ఈ ఫీచర్ల గురించి ఇప్పుడు మనం పూర్తిగా తెలుసుకుందాం..
సీక్రెట్ కోడ్ ఫీచర్.. లాక్ చేసిన చాట్ ల కోసం ఈ సీక్రెట్ కోడ్ ఫీచర్ ని వాట్సాప్ తీసుకొస్తోంది. ఈ ఫీచర్ ఫోన్ ప్రధాన పాస్‌వర్డ్‌ లాగే వేరే పాస్ వర్డ్ ఉంటుంది. దీని సాయంతో వినియోగదారుల చాట్ లు చాలా భద్రంగా ఉంటాయి. లాక్ చేసిన చాట్ లు కూడా ప్రత్యేకంగా ఉంటాయి. ఇక అవి మరో వ్యక్తికి ఓపెన్ కావు. మీరు సెట్ చేసుకున్న పాస్ వర్డ్ పిన్ లేదా బయోమెట్రిక్ ద్వారా మాత్రమే చాట్లు ఓపెన్ అవుతాయి.
సెర్చ్ ఫీచర్ ఫర్ అప్ డేట్స్ ట్యాబ్ విషయానికి వస్తే..కొత్త అప్ డేట్ ప్రకారం యాప్ పై భాగంలో సెర్చ్ బటన్ అందుబాటులో ఉండవచ్చు. దీని వల్ల స్టేటస్ అప్‌డేట్‌లు, ఫాలో అయ్యే ఛానెల్‌లు, ఏది కావాలంటే అది ఈజీగా సెర్చ్ చేసుకొనే వెసులబాటు ఉంటుంది.
అలాగే పిన్డ్ మెసేజ్ ఫీచర్ విషయానికి వస్తే..మీరు కోరుకున్న చాట్ ను పిన్ చేసి హైలేట్ చేసుకొనే అవకాశం ఈ ఫీచర్ ద్వారా కలుగుతుంది. మిగిలిన చాట్ లకన్నా కూడా ఈ ఫీచర్ హైలైట్ అయిన చాట్ పైభాగంలో కనిపిస్తుంది. ఇక మీరు ఎక్కువగా చాట్ చేసే వారిని ఇలా పిన్ చేసుకోవచ్చు.
అలాగే చాట్ అటాచ్‌మెంట్ మెనూ ఫీచర్ విషయానికి వస్తే..మోడ్రన్ స్టైల్ లో చాట్ అటాచ్ మెంట్ మెనూ అనేది అందుబాటులోకి వస్తుంది. ఈ కొత్త మెనూ చాలా రకాల కంటెంట్‌ను భాగస్వామ్యం చేసే ప్రక్రియను కలిగి ఉంది.ఐపీ అడ్రస్ కనబడకుండా ప్రైవసీ ఫీచర్ విషయానికి వస్తే..మీరు వాట్సాప్ ఫోన్లు మాట్లాడేటప్పుడు మీ ఐపీ అడ్రస్ అనేది దొరకకుండా సంరక్షించే కొత్త ప్రైవసీ ఫీచర్ ను వాట్సాప్ త్వరలో తీసుకురానుంది. వినియోగదారులు వాయిస్ ఇంకా వీడియో కాల్‌లను చేసేటప్పుడు ఇతర వ్యక్తులకు మీ ఐపీ అడ్రస్ దొరకకుండా ఇది కాపాడుతుంది.