అలెర్ట్ : పొరపాటున ఈ పని చేసినా వాట్సాప్ చాట్ మొత్తం లీక్ !
హ్యాకర్లు తరచుగా ఫిషింగ్ లింక్లు, ఇతర మార్గాల ద్వారా మీ Gmail లేదా iCloud ను హ్యాక్ చేయాలనుకుంటారు. వారు మీ Gmail లేదా iCloudకి యాక్సెస్ పొందితే... హ్యాకర్లు మీ డ్రైవ్లో నిల్వ చేసిన whatsapp చాట్లను సులభంగా యాక్సెస్ చేయగలరు. అలాంటప్పుడు హ్యాకర్ మీ ప్రైవేట్ ఫోటోలు, వీడియోలు, చాట్లను ఈజీగా యాక్సెస్ చేస్తారు. దీని ద్వారా మిమ్మల్ని బ్లాక్ మెయిల్ చేయవచ్చు. కాబట్టి దాదాపుగా మీ డేటాను బ్యాకప్ చేయకుండా ఉండడానికి ప్రయత్నించండి. అదే సమయంలో ఇంటర్నెట్ లో సర్ఫింగ్ చేస్తున్నప్పుడు ఎప్పుడూ సురక్షితమైన బ్రౌజింగ్ చేయండి. అనవసరమైన లింక్లపై ఎప్పుడూ క్లిక్ చేయొద్దు. నేటి డిజిటల్ యుగంలో అడుగడుగునా అప్రమత్తంగా ఉండాల్సిన అవసరం ఎంతైనా ఉంది. కాబట్టి వాట్సాప్ ను ఉపయోగిస్తున్న వాళ్లంతా జాగ్రత్తగా ఉండడం మంచిది. చేతులు కాలాక ఆకులు పట్టుకోవడం కంటే ముందే జాగ్రత్తగా ఉండడం మంచిది కదా !