టెక్నాల‌జీ: వావ్‌.. కేవ‌లం రూ.20 వేల‌లోపే అమెరికన్ కంపెనీ ల్యాప్‌టాప్..!!
సాధార‌ణంగా ఒక‌ప్పు కంప్యూటర్ వాడ‌డం అంటే పెద్ద విశేషంగా చూసేవారు. కానీ, రానురాను అంద‌రూ కంప్యూట‌ర్లు వాడ‌డం మొద‌లుపెట్టారు. అయితే ప్ర‌స్తుతం కంప్యూటర్ వినియోగం త‌గ్గుతూ వ‌స్తోంది. ఆధునిక సాంకేతికతను అందిపుచ్చుకున్న కంప్యూటర్లలోనూ భారీ మార్పులు చోటుచేసుకున్నాయి. ఈ క్రమంలో ల్యాప్‌టాప్‌లు విస్తరించాయి. ల్యాప్ టాప్ ని కొనాలంటే... కోకొల్లలుగా వున్నా వాటిలో మనకు కావాల్సిన ఎంపికను ఎంచుకోవడం చాలా ముఖ్యం. హై రిజల్యూషన్‌, వేగవంతమైన ప్రాసెసర్‌, ఆధునిక ఫీచర్లతో చేతిలో ఇమిడిపోయే సైజుల్లో ల్యాప్‌ట్యాప్‌లు మార్కెట్లో హల్‌చల్‌ చేస్తున్నాయి.
అయితే మార్కెట్లో మంచి ల్యాప్‌టాప్ కొనాలంటే కనీసం 40 వేలు లేదా అంత‌క‌న్నా ఎక్కువే ఖ‌ర్చు అవుతుంది. కానీ, యుఎస్ టెక్ దిగ్గజం ఐలైఫ్ టెక్నాలజీస్ ఇంక్ సంస్థ... తన జెడ్ ఎయిర్ సిఎక్స్ 3 ల్యాప్‌టాప్‌ను ఇండియాలో రిలీజ్‌ చేసింది. దీని ధర రూ .19,999 మాత్రమే. ఇక ఈ జెడ్ ఎయిర్ సిఎక్స్ 3 ల్యాప్‌టాప్‌ను ఇర‌వై వేల రూపాయల కన్నా తక్కువ ఉన్నప్పటికీ.. ఇది చాలా పెద్దదిగా ఉంది. ల్యాప్‌టాప్‌లో 15.6 అంగుళాల ఐపిఎస్ డిస్‌ప్లే ఉంది. పూర్తి HD మరియు 4K వీడియోలను చూడవచ్చు. గేమింగ్ అనుభవాన్ని కూడా ఇవ్వడం దీని ప్రత్యేకత.
అలాగే ఇంటెల్ కోర్ ఐ 3 ప్రాసెసర్‌తో వస్తున్న ఈ ల్యాప్‌టాప్‌ను 4 జీబీ ర్యామ్, 8 జీబీ ర్యామ్ అనే రెండు వేరియంట్లలో కంపెనీ ప్రవేశపెట్టింది. ల్యాప్‌టాప్ ఆడియో నాణ్యత కూడా అద్భుతంగా ఉంది. ల్యాప్‌టాప్ 1 టిబి హెచ్‌డిడి స్టోరేజ్‌తో వస్తుంది. బ్యాటరీ విష‌యానికి వ‌స్తే.. ల్యాప్‌టాప్‌లో 5000 ఎంఏహెచ్ బ్యాటరీ ఉంది. ఇది సుమారు ఒకటిన్నర గంటల్లో పూర్తి ఛార్జ్ అవుతుంది. ఇది సుమారు 2.5 గంటల బ్యాకప్ ఇస్తుంది. అదేవిధంగా, ల్యాప్‌టాప్ ముందు భాగంలో ఫ్రంట్ కెమెరా ఉంది. ముందు కెమెరాను వీడియో కాలింగ్ కోసం ఉపయోగించవచ్చు. ల్యాప్‌టాప్ లభ్యత కోసం ఫ్లిప్‌కార్ట్, అమెజాన్‌లతో కంపెనీ భాగస్వామ్యం కుదుర్చుకుంది. ఇక పెద్ద పరిమాణంలో ఉన్నప్పటికీ, ఈ ల్యాప్‌టాప్ చాలా పోర్టబుల్ అనిపిస్తుంది. ఎందుకంటే.. దీని మందం 22 మిమీ మరియు బరువు 1.8 కిలోలు.