ప్లే ఆఫ్ కు వెళ్లేందుకు.. ఏ జట్టుకు ఎంత అవకాశం ఉందంటే?
కొన్ని టీమ్స్ తర్వాత ఆడబోయే మ్యాచ్లలో గెలిచినప్పటికీ ప్లే ఆఫ్ లో చేరడం మాత్రం కష్టమే అన్న విషయం అర్థమవుతుంది. ఈ క్రమంలోనే ఇప్పటికే అటు రాజస్థాన్ రాయల్స్ జట్టు ఇప్పటివరకు ఆడిన పది మ్యాచ్లలో ఎనిమిదింటీలో విజయం సాధించి 16 పాయింట్లతో దాదాపు ప్లే ఆఫ్ బెర్త్ ను కన్ఫార్మ్ చేసుకుంది అని చెప్పాలి. ఇక ఆ తర్వాత స్థానంలో కోల్కతా, లక్నో, సన్రైజర్స్ జట్లు కొనసాగుతూ ఉండడం గమనార్హం. అయితే రానున్న రోజుల్లో ప్రతి జట్టు మరో నాలుగు మ్యాచ్లు ఆడనున్న నేపథ్యంలో ఇక ఏ టీమ్ వరుస విజయాలు సాధిస్తూ పాయింట్లు పట్టికలో పైకి దూసుకు వస్తుంది అన్నది హాట్ టాపిక్ గా మారింది.
అయితే ఇక 2024 ఐపీఎల్ సీజన్లో ప్లే ఆఫ్ లో అడుగు పెట్టడానికి ఏ జట్టుకు ఎంతల అవకాశాలు ఉన్నాయి అనే విషయం గురించి క్రిక్ ట్రాకర్ అంచనా వేసింది. రాజస్థాన్ జట్టుకు 95% ప్లే ఆఫ్ లో అడుగుపెట్టి ఛాన్స్ ఉందని పేర్కొంది. అలాగే కోల్కతాకు 85% అవకాశాలు ఉన్నాయట. ఆ తర్వాత లక్నోకి 60 శాతం, హైదరాబాద్ జట్టుకి 55 శాతం, చెన్నైకి 38%, ఢిల్లీకి 30%, గుజరాత్ టైటాన్స్ కి 17%, పంజాబ్ కి 17%, ముంబై ఇండియన్స్ కి రెండు శాతం, బెంగళూరు జట్టుకి కేవలం ఒక్క శాతం మాత్రమే ప్లే ఆఫ్ లో అడుగు పెట్టేందుకు అవకాశం ఉన్నట్లు క్రిక్ ట్రాకర్ అభిప్రాయ పడింది.