అందుకే సెంచరీని అలా సెలబ్రేట్ చేసుకున్నా : ట్రావిస్ హెడ్
సన్రైజర్స్ ప్లేయర్ ట్రావిస్ హెడ్ బ్యాటింగ్ విధ్వంసంతో సూపర్ సెంచరీ చేశాడు. కేవలం 39 బంతుల్లోనే శతకం మార్క్ అందుకున్నాడు. దీన్నిబట్టి అతని బ్యాటింగ్ విధ్వంసం ఎలా కొనసాగిందో అర్థం చేసుకోవచ్చు. అయితే ఇలా సెంచరీ చేసినప్పుడు ఆటగాళ్లు ఆనందంలో తమకు నచ్చిన విధంగా సెలబ్రేషన్స్ చేసుకోవడం చూస్తూ ఉంటాం. ఇలాంటి సమయంలో కొంతమంది ఆటగాళ్లు చేస్తే సెలబ్రేషన్స్ మాత్రం అప్పుడప్పుడు సోషల్ మీడియాలో హాట్ టాపిక్ గా మారిపోతూ ఉంటాయి. ఇక ఇటీవల ట్రావిస్ హెడ్ కూడా ఇలాగే కొత్తగా సెలబ్రేషన్స్ చేసుకున్నాడు. బ్యాట్ చేతిలో పట్టుకొని బ్యాట్ హ్యాండిల్ పైన హెల్మెట్ పెట్టి సెలెబ్రేట్ చేసుకోవడం గమనార్హం.
అయితే తాను ఇలా ఎందుకు సెలబ్రేట్ చేసుకోవాల్సి వచ్చింది అనే విషయంపై ఇటీవల ఆసక్తికర విషయాన్ని చెప్పుకొచ్చాడు సన్రైజర్స్ హైదరాబాద్ ఆటగాడు ట్రావిస్ హెడ్. రెండు రోజుల క్రితమే నేను కోచ్ వెటోరి వివిధ సెంచరీ సెలబ్రేషన్స్ పై జోకులు వేసుకున్నాం. ఆ చర్చను అనుసరిస్తూనే ఇక శతకం పూర్తయిన తర్వాత నేను సరదాగా అలాంటి సెలబ్రేషన్స్ చేసుకున్నాను. ఈ తరహ సెలబ్రేషన్స్ తో కోచ్ వెటోరికి అభివాదం చేశాను అంటూ హెడ్ చెప్పుకొచ్చాడు.