ఆ ఒక్క పరుగు.. నా ఆలోచననే మార్చేసింది : సచిన్
అయితే సచిన్ టెండూల్కర్ అంతర్జాతీయ క్రికెట్కు వీడ్కోలు పలికి దాదాపు దశాబ్ద కాలం గడిచిపోతుంది. అయినప్పటికీ ఇక ఆయన కెరియర్ లో సాధించిన రికార్డులు ఇప్పటికి ఏ ఆటగాడు కూడా బద్దలు కొట్టలేకపోయాడు కొన్ని రికార్డులకు అయితే ఏ ప్లేయర్ కూడా కనీసం దరిదాపుల్లో కూడా లేరు అనడంలో ఎలాంటి సందేహం లేదు. అంతలా పరుగుల వరద పారించాడు సచిన్ టెండూల్కర్. అందుకే ఆయనను స్ఫూర్తిగా తీసుకొని ఎంతో మంది యువకులు కూడా క్రికెట్ ను ఫ్యాషన్ గా మార్చుకొని ముందుకు సాగుతూ ఉంటారు అని చెప్పాలి.
కెరియర్ లో ఎన్నో వేల పరుగులు చేసిన సచిన్ టెండూల్కర్ ఒకే ఒక పరుగు తన ఆలోచన విధానాన్ని పూర్తిగా మార్చేసింది అంటూ ఇంట్రెస్టింగ్ కామెంట్స్ చేశాడు. చిన్నప్పుడు కాలనీ జట్టు నుంచి బరిలోకి దిగి సున్నాకి అలావుట్ అయినట్లు సచిన్ వెల్లడించాడు. ఆ తర్వాత మ్యాచ్ లోను డకౌట్ అయ్యాను అంటూ తెలిపాడు. అయితే ఈ రెండు మ్యాచ్ లలో బాగా ఆడతానని నమ్మకంతో స్నేహితులందరినీ కూడా మ్యాచ్ చూడటానికి పిలిచాను. అయితే రెండు మ్యాచ్ లలో డకౌట్ కావడంతో తర్వాత మ్యాచ్ కు వారిని పిలవలేదు అయితే మూడో మ్యాచ్లో ఐదు లేదా ఆరు బంతులు ఆడి ఒక రన్ చేశాను. ఆ ఒక్క పరుగు నాకు సంతోషాన్ని ఇచ్చింది. ఇక ఆ ఒక్క పరుగు నా ఆలోచన విధానాన్ని మార్చేసింది అంటూ సచిన్ చెప్పుకొచ్చాడు.