శ్రీ కృష్ణుడి లీలలు చూడతరమా... !!
శ్రీ కృష్ణుడికి వెన్న ముద్దల అంటే ఇష్టం అని మనందరికీ తెలుసు. కృష్ణుడు తన స్నేహితులతో కలిసి వెన్నముద్దలు దొంగలించడం కోసం ఇళ్లల్లోకి ప్రవేశించే వాడు. అలా వెన్నముద్దలు దొంగతనం చేసే విషయంలో కూడా మన అందరికీ తెలియని దైవ రహస్యం ఒకటి ఉంది. అలా వెన్న కోసం శ్రీకృష్ణుడు ఇంటిలో కి వెళ్ళినప్పుడు గోపికలు వెన్నని కుండలో భద్రపరిచి అందకుండ పైకి కట్టే వాళ్ళు. కృష్ణుడు స్నేహితుల సహాయంతో ఆ కుండని పగలకొట్టి వెన్నని తినేవాడు. ఇందులో ఒక మర్మం ఉంది అంటే మనుషులలో ఉండే స్వార్ధాన్ని, మొండితనాన్ని, అహంకారాన్ని పటాపంచలు చేసి వెన్న రూపంలో తీసుకోవడం అనేది ఇందులోని అర్థం.
అలాగే కృష్ణాష్టమి రోజున ఉట్టి కొట్టడం ఆనవాయితీగా వస్తుంది దీనికి గల రహస్యమేమిటంటే శ్రీకృష్ణుడు తన చిన్నతనంలోనే తన తోటి స్నేహితులతో కలిసి స్నేహితుల సహాయంతో పైకి ఎక్కి కుండను పగలకొట్టేవారు. ఇప్పుడు దాన్నే మనం ఉట్టి కొట్టడం అని అంటున్నాము. ఇలా ఉట్టి కొట్టే వాళ్ళని గోవిందుడు అని పిలుస్తారు. ఇలా ఉట్టి కొట్టడానికి గోవిందుడు అన్ని విధాలా ప్రయత్నిస్తాడు కానీ దాన్ని అందకుండా స్నేహితులు వెనక్కి లాగుతూ ఉంటారు అన్నమాట. చివరికి అందరూ కలిసి ఒక దగ్గరకు చేరి ఉట్టి కొట్టి విజయాన్ని సాధిస్తారు. అంటే ఏంటంటే మన జీవితంలో కూడా ఒక ఒక లక్ష్యం కోసం పట్టుదలతో ప్రయత్నించి అందరితో కలుపుగోలుగా ఉంటూ అందరి సహాయం తీసుకుని విజయం పొందాలని దీనిలోని పరమార్ధం. అందుకే శ్రీ కృష్ణుడి లీలలే వేరు కదా.. అని అంటారు అందరు.. !!