రోహిత్ శర్మ.. జీరో నుంచి హీరో వరకూ?
అయితే రోహిత్ శర్మ ఎంత అత్యుత్తమ బ్యాట్స్మెన్ అన్న విషయం అందరికీ తెలిసిందే. ప్రతి మ్యాచ్లో కూడా అద్భుతంగా రాణిస్తూ జట్టు విజయంలో కీలకపాత్ర వహిస్తూ ఉంటాడు.. అందుకే అభిమానులందరూ రోహిత్ శర్మ హిట్ మాన్ అని పిలుచుకుంటూ ఉంటారు.. మరి కొంతమంది డబుల్ సెంచరీల వీరుడు అని అంటూ ఉంటారు. అయితే రోహిత్ శర్మ సక్సెస్ అయిన తర్వాత అతని కెరీర్ గురించి అందరికీ తెలుసు. కానీ ఒకప్పుడు భారత జట్టులో చోటు తగ్గించు కోవడానికి కూడా రోహిత్ శర్మ ఎన్నో ఇబ్బందులు ఎదుర్కొన్నాడూ అనే విషయం చాలా మందికి తెలియదు.
ఒకప్పుడు రోహిత్ శర్మ కు జట్టులో చోటు దక్కడం గగనం అనే విధంగా ఉండేది పరిస్థితి. అలాంటి దశనుంచి టీమిండియాకు కెప్టెన్ స్థాయికి ఎదిగాడు రోహిత్ శర్మ. 2013 వరకు రోహిత్ శర్మ కెరియర్ ఎంతో నెమ్మదిగానే సాగింది. కానీ 2013లో ఛాంపియన్స్ ట్రోఫీలో ఓపెనర్గా అవతారం ఎత్తిన తర్వాత రోహిత్ శర్మ కెరీర్ ఒక్కసారిగా మారిపోయింది. ఇక అక్కడి నుంచి వెనక్కి తిరిగి చూసుకోలేదు అని చెప్పాలి. సెంచరీల మీద సెంచరీలు చేస్తూ భారత జట్టుకు ఎన్నో మరపురాని విజయాలను అందించాడు రోహిత్ శర్మ. 2019 వరల్డ్ కప్ లో ఏకంగా ఐదు సెంచరీలు చేసి రికార్డు సృష్టించాడు. ఇక 2013 నుంచి 2021 మధ్యకాలంలో ఎవరికీ సాధ్యం కాని రీతిలో తక్కువ సమయంలో ఐదుసార్లు ముంబై ఇండియన్స్ కు టైటిల్ అందించి ఆశ్చర్యపరిచాడు. ఇక ఇప్పుడు మూడు ఫార్మాట్లకు టీమిండియా కెప్టెన్ గా కొనసాగుతున్నాడు రోహిత్ శర్మ.