ఇండియా కొత్త కోచ్ రాహుల్ ద్రావిడ్ అంచనాలను నిలబెట్టుకుంటాడా ?
వరల్డ్ కప్ లో దారుణమైన ఆట తీరును ప్రదర్శించి సెమీఫైనల్ కూడా చేరకుండానే ఇంటి ముఖం పట్టింది టీమిండియా. ఇప్పుడు గతి తప్పిన టీమ్ ఇండియాను సరి చేయాల్సిన బాధ్యత కొత్త కోచ్ రాహుల్ ద్రావిడ్ పై ఉంది. ఒక ఆటగాడిగా, కెప్టెన్ గా ఎన్నో సక్సెస్ లు అందుకున్న గ్రేట్ వాల్ ఆఫ్ ఇండియా రాహుల్ ద్రావిడ్ కు ఇది చాలా ఛాలెంజింగ్ అని చెప్పాలి. అయితే ఇంతకు ముందు ఎన్ఐఏ అధ్యక్షుడిగా మరియు ఇండియా అండర్ 19 జట్టు కోచ్ గా మరియు ఒకే ఒక్క సిరీస్ కి సీనియర్ మెన్ టీమ్ కోచ్ గా చేసిన అనుభవం వుంది.
అయితే ఇక్కడ సీన్ మాత్రం వేరేగా ఉంటుంది. ప్లేయర్స్ అందరినీ కలుపుకుని పోతూ వారిలోని టాలెంట్ ను వెలికి తీయడమంటే మాములు విషయం కాదు. మరి రాహుల్ ద్రావిడ్ ఏ విధంగా తన నైపుణ్యాన్ని టీం ఇండియా అభివృద్ధి కోసం ఉపయోగిస్తాడు అన్నది చూడాల్సి ఉంది. చాల మంది కోచ్ పదవి కోసం అప్లికేషన్ లు పెట్టుకున్నా ఏకగ్రీవంగా రాహుల్ ద్రావిడ్ ను బీసీసీఐ ఎంపిక చేసింది. మరి ఇంత అపారమయిన నమ్మకాన్ని రాహుల్ ద్రావిడ్ నిలబెట్టుకుంటాడా అన్నది చూడాలి.