థాక్రే–పవార్ ఏకం : మహారాష్ట్ర రాజకీయాల్లో కొత్త చరిత్ర..!
మహారాష్ట్ర రాజకీయాల్లో గత కొన్ని ఏళ్లుగా అసాధ్యమైన పరిణామాలు ఇప్పుడు సుసాధ్యంగా మారుతున్నాయి. రాష్ట్ర రాజకీయ ముఖచిత్రం వేగంగా మారుతుంటే, విభజన తర్వాత కలసిపోవడం ప్రారంభమైనట్టుగా కనిపిస్తోంది. శివసేన రెండు ముక్కలైన తర్వాత, థాక్రే వారసత్వం కోసం జరిగిన పోరాటం ఒక కొలిక్కి వచ్చింది. ఇప్పుడు అదే పరిస్థితిలో శరద్ పవార్ కుటుంబం కూడా మళ్ళీ ఏకం కావడం ద్వారా congress PARTY' target='_blank' title='నేషనలిస్ట్ కాంగ్రెస్ పార్టీ-గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. ">నేషనలిస్ట్ కాంగ్రెస్ పార్టీ (ఎన్సీపీ) మళ్ళీ పూర్వ వైభవాన్ని సంతరించుకోవడానికి అడుగులు వేస్తోంది. రాజకీయంగా విడిపోయిన శరద్ పవార్, అజిత్ పవార్ మళ్ళీ ఒకే గూటికి చేరడం ద్వారా ఎన్సీపీ యధాతధంగా పార్టీ మనుగడను కాపాడగలదని ఇరు వర్గాలు భావిస్తున్నాయి.
ఇక గతంలో అజిత్ పవార్ తిరుగుబాటు చేసి ఎన్డీయే కూటమిలో చేరినా, ప్రస్తుత రాజకీయ సమీకరణాలు, క్షేత్రస్థాయి కార్యకర్తల ఒత్తిడి కారణంగా కుటుంబం అంతా ఏకం కావడం అవసరమని గుర్తించారు. అజిత్ పవార్ మళ్ళీ పార్టీలో చేరితే, పవార్ డిప్యూటీ సీఎం గా కొనసాగుతారు, సుప్రియా సూలే కేంద్ర మంత్రి అవుతారు. అంటే 2024 నుంచి ఎన్సీపీ ఎన్డీయేలో భాగమవుతుంది. ఇక శివసేన దిశలో కూడా బ్రదర్స్ ఒక్కటయ్యారు. షిండే షాకీగా పార్టీని నడిపిస్తున్నా, ఉద్ధవ్-రాజ్ థాక్రేలు ఇప్పుడు ఒకే గూటిలోకి వచ్చారు. ఇది ముంబై, మహారాష్ట్రలో మరాఠీ ఓటర్లలో ఏకత్వాన్ని పెంచే అవకాశంగా భావిస్తున్నారు. గతంలో ఉద్ధవ్ రాజకీయాల్లోకి రాకముందు రాజ్ థాక్రే పార్టీని బలోపేతం చేసి మానూస్ ఓటు బ్యాంక్ సృష్టించారు. ఇప్పుడు ఇద్దరూ కలిసిన తర్వాత, విభజన వల్ల చీలిపోయిన ఓట్లను తిరిగి ఆకర్షించడం సులభం అవుతుంది.
జాతీయ రాజకీయాలపై కూడా ఈ పరిణామాల ప్రభావం ఉంటుందని విశ్లేషకులు అంటున్నారు. బలమైన మరాఠా నాయకత్వం ఒకే తాటిపైకి రావడం, థాక్రే-పవార్ గూటి రాష్ట్రంలో ప్రాదేశిక సెంటిమెంట్ బలాన్ని పెంచడం, బీజేపీ, కాంగ్రెస్ కు సవాలుగా మారుతుంది. షిండే తన పార్టీని కాపాడడం కష్టం అవ్వవచ్చు, కానీ థాక్రే బ్రదర్స్ మరియు పవార్ కుటుంబం ఒక్కటైతే, మహారాష్ట్ర రాజకీయాల పటంలో మళ్లీ ప్రాంతీయ సెంటిమెంట్ బలంగా నిలవడం ఖాయం. 2024 అసెంబ్లీ ఎన్నికల తర్వాత ఈ ఏకీకరణలు రాష్ట్ర రాజకీయ భూదృశ్యాన్ని మార్చేయబోతోన్నాయి. విభజన, కూటమి, వ్యక్తిగత ఆసక్తుల తర్వాత ఒక్కటైన ఈ నాయకులు మహారాష్ట్ర రాజకీయాల్లో కొత్త చరిత్ర సృష్టించబోతున్నారు. రాష్ట్ర రాజకీయాల పటంలో ఇప్పుడు అసాధ్యమైనది సుసాధ్యమవుతున్న దశలో మహారాష్ట్ర చూస్తోంది.