ఉషా చిలుకూరి గోదావరి ఆడపడుచా... ఏ ఊరు.. బ్యాక్గ్రౌండ్ ఇదే?
నిజానికైతే ఈ గ్రామంలో ఎవరికీ ఉషా చిలుకూరి గురించి ఎవరికీ పెద్దగా తెలియదు. ఎందుకంటే చిలుకూరి ఇంటి పేరుతో ఇప్పుడు ఆ గ్రామంలో ఎవరూ లేకపోవడం కొసమెరుపు. ఆ కుటుంబంలో సుబ్రమణ్య శాస్త్రి అనే వ్యక్తి మాత్రం ఆ గ్రామంలోని వారికి కొంతమందికి బాగా తెలుసు. ఆ సుబ్రహ్మణ్యశాస్త్రి అన్న మనవరాలే మన ఉషా చిలుకూరి. అయితే వారి కుటుంబం మొత్తం ఆమె చిన్నప్పుడే యూఎస్ లో స్థిరపడిందని సమాచారం. అయితే ఆమె అమెరికా రాజకీయాల్లో కీలక పాత్ర పోషించింది అనే విషయం తెలిసినప్పటినుండి వడ్లూరు టాక్ అఫ్ ది టౌన్ గా మారింది. ఈ విషయం ఆనోటా, ఈనోటా చేరి ఆఖరికి వడ్లూరి ప్రజలకు చేరడంతో 'ఈ ఊరి ఆడపడచు కుటుంబం అమెరికా రాజకీయాల్లో పాత్ర పోషించడం సంతోషకరం' అని గ్రామ పెద్దలు, చిన్నలు పండగ చేసుకుంటున్నారు.
ఉషా చిలుకూరి తాత రామశాస్త్రి కుటుంబానికి బంధుత్వం ఉన్నట్టు ఆ గ్రామానికి చెందిన ఓ బ్రాహ్మణ కుటుంబం తాజాగా ఓ మీడియాకు తెలిపింది. కానీ ఉషా చిలుకూరి గురించి కానీ, అసలు రామ శాస్త్రి పిల్లలు, మనువళ్ల గురించి కానీ వారికి అంతగా తెలియదు అన్నట్టు మాట్లాడారు. ఇకపోతే రామ శాస్త్రి, సుబ్రమణ్య శాస్త్రి ఇతర సోదరుల కుటుంబాలు మాత్రం కొన్ని హైదరాబాద్, బెంగళూరులో ఉన్నట్టు తెలుస్తోంది. కాగా ట్రంప్ తన పార్టీ ఉపాధ్యక్ష అభ్యర్థి పేరు ప్రకటించినప్పటి నుంచీ ఉషా కుటుంబం గురించి అందరూ ఆరా తీయడం మొదలు పెట్టారు. ఇపుడు ఆమె మూలాలు మన తెలుగు రాష్ట్రంలోనే ఉన్నందుకు మనవాళ్ళు సంబరాలు చేసుకుంటున్నారు.