తెలంగాణ: సీతక్క, కొండా సురేఖ మధ్య కొత్త లొల్లి.. భలే ఫ్లేట్ ఫిరాయించారు గా..??
సాధారణంగా దేవాదాయ శాఖ మేడారం జాతరను నిర్వహిస్తుంది. జాతర ఏర్పాట్లు అన్నీ కూడా ఆ శాఖే చూసుకోవాలి కానీ మేడారం తన నియోజకవర్గంలో ఉంది కాబట్టి సీతక్కే జాతర వేడుకలను జరిపారు. అయితే ఈ వేడుకల సంబంధించి ఒకటి, రెండు మీటింగులకు వెళ్లడంతో సరిపెట్టారు కొండా సురేఖ. ఆమె దేవాదాయ శాఖకు మంత్రి అయినా కూడా పెద్దగా జాతరకు వెళ్లలేదు. ఇక ధార్మిక భవన్ విషయంలో వీరిద్దరి మధ్య మాటల యుద్ధాలు జరుగుతున్నాయి. మేడారం సమ్మక్క సారక్క ఈవో ఆఫీస్ దేవాదాయ శాఖ భవనం (ధార్మిక భవన్)లో ఉంది. అయితే ఈ భవనం నుంచే కొన్ని పనులు అదనంగా చేయాలని దేవాదాయ శాఖ వాళ్లు అనుకుంటున్నారట. అయితే సీతక్కవైపు ఉన్న వారు మాత్రం దీనిని తీవ్రంగా వ్యతిరేకిస్తున్నారు.
ఇది ఇలా ఉండగా వరంగల్ ఇన్చార్జిగా ఉన్న కొండా సురేఖను మెదక్ పంపించారు. దీని వెనుక సీతక్క హస్తం ఉందని అంటున్నారు. కాంగ్రెస్ అధికారంలోకి వచ్చినప్పుడు వీరి మధ్య అనురాగం, ఆప్యాయత కనిపించింది కానీ తర్వాత ఇద్దరి మధ్య చాలానే శత్రుత్వం పెరిగిపోయినట్లు తెలుస్తోంది. మరి వీరి లొల్లి ఇంకా ఎంత పెద్దది అవుతుందో చూడాలి.