బాబుకు - జగన్, జగన్కు - షర్మిల.. దెబ్బ అదుర్స్..!
ఇక కుప్పం లోను కీలక రాజకీయ నేతలను వైసీపీలోకి తీసుకున్నారు. చంద్రబాబుకు జై కొట్టే బ్యాచ్ ను అది రించారు.. బెదిరించారు.. తమ వైపు తిప్పుకున్నారు. ఇక మొత్తం గా చూస్తే కుప్పం పై చంద్రబాబు ప్రత్యేక ఫోకస్ పెట్టేలాగా.. ఏటా ఆరుసార్లు వెళ్లి.. తన పరివారాన్ని కాపాడుకునేలా చేశారు. అంతేకాకుండా కుప్పానికి ప్రత్యేక మేనిఫెస్టో ఇచ్చే పరిస్థితిని.. నారా, నందమూరి కుటుంబాలు కూడా.. ఇక్కడ ప్రజలను ఓట్లు అడిగే పరిస్థితిని తీసుకువచ్చారు. ఇక ఇది నాణేనికి ఒకవైపు. చంద్రబాబును ఇరుకున పడేయాలనుకున్న జగన్మోహన్ రెడ్డి.. ఇదే సమయంలో తాను కూడా ఇరుక్కుపోయాడు. ఆయనకు కాంగ్రెస్ పిసిసి చీఫ్ షర్మిల నుంచి సెగ తగిలింది. కంచుకోట కడపలో జగన్కు దిమ్మ తిరిగేలాగా ప్రచారం చేపట్టింది.
కీలకమైన ఓట్లను కదిలించేస్తున్నారన్న వాదన కూడా వినిపించింది. ఇక అంతా బాగుందని అనుకుంటే.. మొత్తానికి చాప చుట్టేయడం కాయం అన్న అంచనాలు కూడా వైసీపీలో జోరుగా వినిపించాయి. ఎక్కడైతే అభ్యర్థితో చంద్రబాబును ఓడించాలని జగన్ ప్లాన్ వేశాడో.. ఎలాంటి అభ్యర్థి లేకుండా.. కేవలం సెంటిమెంట్లతోనే.. జగన్ను ఓడించాలని షర్మిల వేసిన స్కెచ్ అదుర్స్ అనేలాగా ఉంది. కేవలం రెండు మాసాల్లోనే వైసిపి అధినేతకు పట్ట పగలే చుక్కలు చూపించింది షర్మిల. దీంతో ఎన్నడూ లేని విధంగా కడప చుట్టూ జగన్ ప్రదక్షిణాలు చాల్సి వచ్చింది. పదే పదే జిల్లాల్లో చేయాల్సిన పరిస్థితి వచ్చింది. ఇక ఈ పరిణామాలు గమనించిన వారు బాబుకు చుక్కలు చూపించాలని అనుకున్న జగన్ కి షర్మిల గట్టిదబ్బే వేసిందిగా అంటూ కామెంట్స్ చేస్తున్నారు.