കോൺഗ്രസ് പ്രവർത്തക സമിതിയിൽ ശശി തരൂർ!
കോൺഗ്രസ് പ്രവർത്തക സമിതിയിൽ ശശി തരൂർ! കേരളത്തിൽനിന്ന് കെസി വേണുഗോപാലിനും എകെ ആൻറണിയ്ക്കും പുറമെ ശശി തരൂരിനെയും പട്ടികയിൽ ഉൾപ്പെടുത്തിയിട്ടുണ്ട്. രമേശ് ചെന്നിത്തലയെ സ്ഥിരം ക്ഷണിതാവായും കൊടിക്കുന്നിൽ സുരേഷിനെ പ്രത്യേക ക്ഷണിതാവായും ഉൾപ്പെടുത്തി. 39 അംഗ പ്രവർത്തക സമിതിയാണ് പ്രഖ്യാപിച്ചത്. ഇവർക്ക് പുറമെ 32 സ്ഥിരം ക്ഷണിതാക്കളും 9 പ്രത്യേക ക്ഷണിതാക്കളുമുണ്ട്. അടുത്ത വർഷം ലോക്സഭാ തെരഞ്ഞെടുപ്പ് നടക്കാനിരിക്കെ കോൺഗ്രസിലെ ഏറ്റവും ഉയർന്ന സംഘടനാ വേദിയായ പ്രവർത്തകസമിതിയെ പ്രഖ്യാപിച്ചു. രാജസ്ഥാനിൽ അശോക് ഗെലോട്ടുമായി ഇടഞ്ഞുനിന്ന യുവ നേതാവ് സച്ചിൻ പൈലറ്റിനെയും പ്രവർത്തക സമിതിയിൽ ഉൾപ്പെടുത്തി. ഗെലോട്ടിനെ മാറ്റി തന്നെ മുഖ്യമന്ത്രിയാക്കണമെന്ന സച്ചിൻറെ ആവശ്യം തള്ളിയ ഹൈക്കമാൻഡ്, പകരം പദവിയെന്ന നിലയിലാണ് പ്രവർത്തക സമിതിയിൽ ഉൾപ്പെടുത്തിയത്.
മുൻ സിപിഐ നേതാവ് കനയ്യ കുമാർ പ്രത്യേക ക്ഷണിതാവായും പട്ടികയിലിടംപിടിച്ചു. പ്രവർത്തക സമിതി അംഗങ്ങൾ മല്ലികാർജുൻ ഖർഗെ, സോണിയ ഗാന്ധി, ഡോ. മൻമോഹൻ സിങ്, രാഹുൽ ഗാന്ധി, അധീർ രഞ്ജൻ ചൗധരി, എ കെ ആൻറണി, അംബിക സോണി, മീരാ കുമാർ, ദിഗ്വിജയ് സിങ്, പി ചിദംബരം, താരിഖ് അൻവർ, ലാൽ തനവാല, മുകുൾ വാസ്നിക്, ആനന്ദ് ശർമ, അശോക് റാവു ചവാൻ, അജയ് മാക്കൻ, ചരൺജിത് സിങ് ഛന്നി, പ്രിയങ്ക ഗാന്ധി, കുമാരി സെൽജ, ഗയ്കഗം, രഘുവീര റെഡ്ഡി, ശശി തരൂർ, തംരധ്വാജ് സാഹു, അഭിഷേക് മനു സിങ്വി, സൽമാൻ ഖുർഷിദ്, ജയറാം രമേഷ്, ജിതേന്ദ്ര സിങ്, രൺദീപ് സിങ് സുർജേവാല, സച്ചിൻ പൈലറ്റ്, ദീപക് ബാബ്രിയ, ജഗദീഷ് താകോർ, ജിഎ മിർ, അവിനാഷ് പാണ്ഡെ, ദീപ ദാസ് മുൻഷി, മഹേന്ദ്രജീത് സിങ് മാളവ്യ, ഗൗരവ് ഗൊഗോയ്, സയീദ് നസീർ ഹുസൈൻ, കമലേശ്വർ പട്ടേൽ, കെസി വേണുഗോപാൽ.
കോൺഗ്രസ് പ്രസിഡൻറ് സ്ഥാനത്തേക്ക് മത്സരിച്ച് ശ്രദ്ധനേടിയ ശശി തരൂർ പ്രവർത്തക സമിതിയിൽ ഉൾപ്പെടുമോയെന്ന
കാര്യത്തിൽ ഉറപ്പില്ലായിരുന്നു. ജി23 അംഗങ്ങളായ മുകുൾ വാസ്നിക്, ആനന്ദ് ശർമ എന്നിവരും പ്രവർത്തക സമിതിയിലുണ്ട്. മനീഷ് തിവാരി സ്ഥിരം ക്ഷണിതാവാണ്. തെരഞ്ഞെടുപ്പ് പ്രവർത്തനങ്ങൾകൂടി മുന്നിൽകണ്ടാണ് പുതിയ നേതൃത്വത്തെ കോൺഗ്രസ് പ്രഖ്യാപിച്ചത്. അടുത്ത വർഷം ലോക്സഭാ തെരഞ്ഞെടുപ്പ് നടക്കാനിരിക്കെ കോൺഗ്രസിലെ ഏറ്റവും ഉയർന്ന സംഘടനാ വേദിയായ പ്രവർത്തകസമിതിയെ പ്രഖ്യാപിച്ചു.
കേരളത്തിൽനിന്ന് കെസി വേണുഗോപാലിനും എകെ ആൻറണിയ്ക്കും പുറമെ ശശി തരൂരിനെയും പട്ടികയിൽ ഉൾപ്പെടുത്തിയിട്ടുണ്ട്. രമേശ് ചെന്നിത്തലയെ സ്ഥിരം ക്ഷണിതാവായും കൊടിക്കുന്നിൽ സുരേഷിനെ പ്രത്യേക ക്ഷണിതാവായും ഉൾപ്പെടുത്തി. 39 അംഗ പ്രവർത്തക സമിതിയാണ് പ്രഖ്യാപിച്ചത്. ഇവർക്ക് പുറമെ 32 സ്ഥിരം ക്ഷണിതാക്കളും 9 പ്രത്യേക ക്ഷണിതാക്കളുമുണ്ട്.