కేసీఆర్ పై విజయశాంతి సంచలన వ్యాఖ్యలు..
తెలంగాణ సీఎం కేసీఆర్ పై బీజేపీ నాయకురాలు, మాజీ ఎంపీ విజయశాంతి సంచలన వ్యాఖ్యలు చేశారు. టీఆర్ఎస్ వల్లే తెలంగాణలో డ్రగ్స్ కల్చర్ వచ్చిందని ఆరోపించారు. ఇటీవల జరిగిన ఐదు రాష్ట్రాల అసెంబ్లీ ఎన్నికల్లో నాలుగు చోట్ల బీజేపీ గెలవగానే, భయంతో కేసీఆర్ ఆస్పత్రిలో చేరారని ఆమె ఎద్దేవా చేశారు. తెలంగాణలోని మహిళలు ఒక్కొక్కరు ఒక్కో మిసైల్ లాంటి వారని, తెలంగాణ మహిళలు కోరుకునేది సమాజంలో గౌరవం అని చెప్పారు. మహిళ అంటే భాధ్యత అని గుర్తు చేశారు. ప్రస్తుతం సమాజంలో డ్రగ్స్ కి బానిసై యువత వల్ల మహిళలు అవమానాలు ఎదుర్కొంటున్నారని మండిపడ్డారు. తల్లి, చెల్లి అనే బేధం లేకుండా అత్యాచారాలు, అఘాయిత్యాలకు పాల్పడుతున్నారని ఆవేదన వ్యక్తం చేశారు. తెలంగాణలో టీఆర్ఎస్ ప్రభుత్వం వల్ల ఎలాంటి ప్రయోజనం లేదని, అసలు డ్రగ్స్ కల్చర్ వచ్చిందే టీఆర్ఎస్ వల్ల అని ఆరోపించారు విజయశాంతి. ఇలాంటి ముఖ్యమంత్రి మనకు అవసరమా అని ప్రశ్నించారు విజయశాంతి.
తెలంగాణ రాష్ట్రంలో సరైన రక్షణ లేక మహిళలు బిక్కు బిక్కు మంటూ జీవిస్తున్నారని వ్యాఖ్యానించారు బీజేపీ నేత విజయశాంతి. కేసీఆర్ ప్రభుత్వంలో మహిళలకు భద్రత లేదని ఆమె ఆరోపించారు. గతంలో ఉత్తర ప్రదేశ్ లో కూడా ఇలాంటి పరిస్థితులే ఉండేవని, భద్రత లేని ఆ రాష్ట్రంలో ప్రధాని మోదీ, సీఎం యోగి ఆదిత్యనాధ్ ఇప్పుడు మహిళలకు భద్రత కల్పించారని అన్నారు విజయశాంతి. వారిద్దరి హయాంలో యూపీ మాఫియా చేతుల్లోనుంచి బయటపడిందని చెప్పారు. యూపీలో యోగి టీమ్ రెండో సారి గెలిచిందంటే అక్కడ వారు చేసిన మంచి పనుల వల్లేనని కొనియాడారు విజయశాంతి.
యూపీతో పోలిక పెడుతూ తెలంగాణ ప్రభుత్వంపై ఆమె తీవ్ర ఆరోపణలు చేశారు. తెలంగాణ రాష్ట్రంలో యూపీలో ఉన్న ప్రభుత్వం లాంటి ప్రభుత్వం లేదని విమర్శించారు విజయశాంతి. దేశ రాజకీయాల్లో కాంగ్రెస్ పార్టీ పని అయిపోయిందని అన్నారు విజయశాంతి. తెలంగాణలో అధికారంలోకి వచ్చిన ఇన్నేళ్ల తర్వాత కేసీఆర్ కి ఉద్యోగాలు గుర్తొచ్చాయా అని ప్రశ్నించారు విజయశాంతి. ఉద్యోగాలు ఇస్తానని తెలంగాణ ముఖ్యమంత్రి కేసీఆర్ దొంగ మాటలు చెబుతున్నారని విమర్శించారు. ఇకనైనా ప్రజలు మారాలని సూచించారామె. తెలంగాణలో కూడా మంచి రోజులు రావాలంటే, డబుల్ ఇంజిన్ అభివృద్ధిన కోరుకోవాలన్నారు. కేంద్రంలో అధికారంలో ఉన్న పార్టీనే రాష్ట్రంలో కూడా అధికారంలోకి తెస్తే, తెలంగాణ రూపు రేఖలు మారిపోతాయని హామీ ఇచ్చారు.
తెలంగాణ రాష్ట్రంలో సరైన రక్షణ లేక మహిళలు బిక్కు బిక్కు మంటూ జీవిస్తున్నారని వ్యాఖ్యానించారు బీజేపీ నేత విజయశాంతి. కేసీఆర్ ప్రభుత్వంలో మహిళలకు భద్రత లేదని ఆమె ఆరోపించారు. గతంలో ఉత్తర ప్రదేశ్ లో కూడా ఇలాంటి పరిస్థితులే ఉండేవని, భద్రత లేని ఆ రాష్ట్రంలో ప్రధాని మోదీ, సీఎం యోగి ఆదిత్యనాధ్ ఇప్పుడు మహిళలకు భద్రత కల్పించారని అన్నారు విజయశాంతి. వారిద్దరి హయాంలో యూపీ మాఫియా చేతుల్లోనుంచి బయటపడిందని చెప్పారు. యూపీలో యోగి టీమ్ రెండో సారి గెలిచిందంటే అక్కడ వారు చేసిన మంచి పనుల వల్లేనని కొనియాడారు విజయశాంతి.
యూపీతో పోలిక పెడుతూ తెలంగాణ ప్రభుత్వంపై ఆమె తీవ్ర ఆరోపణలు చేశారు. తెలంగాణ రాష్ట్రంలో యూపీలో ఉన్న ప్రభుత్వం లాంటి ప్రభుత్వం లేదని విమర్శించారు విజయశాంతి. దేశ రాజకీయాల్లో కాంగ్రెస్ పార్టీ పని అయిపోయిందని అన్నారు విజయశాంతి. తెలంగాణలో అధికారంలోకి వచ్చిన ఇన్నేళ్ల తర్వాత కేసీఆర్ కి ఉద్యోగాలు గుర్తొచ్చాయా అని ప్రశ్నించారు విజయశాంతి. ఉద్యోగాలు ఇస్తానని తెలంగాణ ముఖ్యమంత్రి కేసీఆర్ దొంగ మాటలు చెబుతున్నారని విమర్శించారు. ఇకనైనా ప్రజలు మారాలని సూచించారామె. తెలంగాణలో కూడా మంచి రోజులు రావాలంటే, డబుల్ ఇంజిన్ అభివృద్ధిన కోరుకోవాలన్నారు. కేంద్రంలో అధికారంలో ఉన్న పార్టీనే రాష్ట్రంలో కూడా అధికారంలోకి తెస్తే, తెలంగాణ రూపు రేఖలు మారిపోతాయని హామీ ఇచ్చారు.