മരടിലെ ഫാറ്റ് ഉടമകൾക്ക് സഹായകമാകുന്ന ഇടപെടൽ സിപിഎമ്മിന്റെ ഭാഗത്തുനിന്ന് ഉണ്ടാകും കോടിയേരി
കൊച്ചിയിലെ മരടിലുള്ള ഫ്ളാറ്റ് സമുച്ചയങ്ങള് പൊളിക്കുന്നതുമായി ബന്ധപ്പെട്ട സുപ്രീംകോടതി ഉത്തരവ് പ്രായോഗിക ബുദ്ധിമുട്ട് ഉണ്ടാക്കുന്നതാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. ഫ്ളാറ്റുകളില് താമസിക്കുന്നവര്ക്ക് സഹായകമാവുന്ന ഇടപെടല് സിപിഎമ്മിന്റെ ഭാഗത്തു നിന്നുണ്ടാകുമെന്നും അദ്ദേഹം തന്റെ ഫേസ്ബുക്ക് കുറിപ്പില് പറഞ്ഞു.
ഫ്ളാറ്റില് താമസിക്കുന്നവര് നിയമലംഘനം നടത്തിയവര് അല്ല. എന്നാല്, അവരാണ് അവിടെനിന്നും ഒഴിഞ്ഞു കൊടുക്കേണ്ടി വരുന്നത്.. അവരെ സഹായിക്കാന് പറ്റുന്ന എല്ലാ ഇടപെടലുകളും സര്ക്കാരിന്റെ ഭാഗത്തുനിന്നുണ്ടാകണം. നിയമം ലംഘിച്ചവര്ക്കെതിരെ ശക്തമായ നടപടികളും ഉണ്ടാവണം.തെറ്റു ചെയ്തവര്ക്കെതിരെ നടപടി വേണമെന്ന ആവശ്യവും ഞങ്ങള് ഉയര്ത്തിപ്പിടിക്കുന്നു. നിലവിലെ സാഹചര്യത്തില് ഫ്ളാറ്റ് പൊളിക്കാന് നിര്ബന്ധിതമായാല് പുനരധിവാസമുള്പ്പെടെയുള്ള കാര്യങ്ങളില് മുന്കൂട്ടി ധാരണയുണ്ടാക്കണം.എന്നും അദ്ദേഹം അഭിപ്രായപ്പെട്ടു