ദക്ഷിണേന്ത്യയിൽ ഭീകരാക്രമണത്തിനു സാധ്യതയുണ്ടെന്ന് കരസേന
ദക്ഷിണേന്ത്യയില് ഭീകരാക്രമണത്തിനു സാധ്യതയെന്നു കരസേനയുടെ മുന്നറിയിപ്പ്. ഗുജറാത്ത് തീരത്തിനടുത്ത് അറബിക്കടലിലെ സിര് ക്രീക്കില് ഏതാനും ബോട്ടുകള് ഉപേക്ഷിക്കപ്പെട്ട നിലയില് കണ്ടെത്തിയ പശ്ചാത്തലത്തിലാണ് ഇത്തരം ഒരു മുന്നറിയിപ്പ്.
കരസേനയുടെ മുന്നറിയിപ്പു ലഭിച്ചതോടെ കേരളത്തില് ബസ് സ്റ്റാന്ഡുകളിലും റെയില്വേ സ്റ്റേഷനുകളിലും വിമാനത്താവളങ്ങളിലും പ്രത്യേക നീരിക്ഷണം ഏര്പ്പെടുത്തി. ഓണാഘോഷത്തോടനുബന്ധിച്ച് തിരക്കുള്ള എല്ലായിടത്തും സവിശേഷ ശ്രദ്ധയുണ്ടാകണമെന്നു സംസ്ഥാന പോലീസ് മേധാവി ജില്ലാ പോലീസ് ചീഫുമാര്ക്കു നിര്ദേശം നല്കി.ഉപേക്ഷിക്കപ്പെട്ട ബോട്ടുകള് കണ്ടെത്തിയെന്നും ഭീകരര് ദക്ഷിണേന്ത്യയെ ലക്ഷ്യമിട്ടേക്കാമെന്നും കരസേനയുടെ ദക്ഷിണ കമാന്ഡ് മേധാവി ലഫ്. ജനറല് എസ്.കെ. സെയ്നിയാണ് അറിയിച്ചത്. ഏതു സാഹചര്യവും നേരിടാന് െസെന്യം സജ്ജമാണെന്നും അദ്ദേഹം പറഞ്ഞു.
കടലിനടിയിലൂടെയെത്തി ആക്രമണം നടത്താന് പാകിസ്താന് കമാന്ഡോകളുടെ മേല്നോട്ടത്തില് ചാവേര് ഭീകരര്പദ്ധതിയിടുന്നതായി നാവികസേനാ മേധാവി അഡ്മിറല് കരംബീര് സിങ് കഴിഞ്ഞ മാസം വെളിപ്പെടുത്തിയിരുന്നു. അന്നുമുതൽ തന്നെ ശക്തമായ സുരക്ഷയിലാണ്.