சென்னையில் சிக்கியது ரூ.4 கோடி போதை பொருள்
சென்னை:
அதிர்ச்சி... அதிர்ச்சி என்று சென்னை மக்கள் இந்த செய்தியை கேட்டு அதிர்ந்துதான் போய் உள்ளனர். கடந்த 2 வாரங்களுக்கு முன்பு கஞ்சா சாக்லெட் ஏற்படுத்திய பரபரப்பு அடங்குவதற்குள் சென்னை விமான நிலையத்தில் ரூ. 4 கோடி மதிப்புள்ள போதைப் பொருள் பறிமுதல் செய்யப்பட்ட சம்பவம் பெரும் அதிர்வலைகளை ஏற்படுத்தி உள்ளது.
கைப்பற்றப்பட்ட கஞ்சா சாக்லேட்
சென்னை விமான நிலையத்தில் ரூ.4 கோடி மதிப்புள்ள கேட்டமைன் என்ற வீரியம் மிகுந்த போதைப் பொருளை அதிகாரிகள் பறிமுதல் செய்தனர். இந்த போதைப் பொருளை வைத்திருந்த இளையான்குடியை சேர்ந்த சிக்கந்தர் அலி என்பவர் கைது செய்ப்பட்டார்.
அவரிடம் மேற்கொள்ளப்பட்ட விசாரணையில் அவர் கோல்கத்தா செல்லவிருந்தது தெரிய வந்துள்ளது. தொடர்ந்து அவரிடம் விசாரணை நடைபெற்று வருகிறது. இந்த போதை மருந்து எங்கிருந்து அவருக்கு வந்தது. இதை அவர் யாரிடம் கொடுப்பதற்கு எடுத்து சென்றார் என்பது குறித்து தீவிர விசாரணை நடந்து வருவதாக அதிகாரிகள் தரப்பில் தெரிவிக்கின்றனர்.