ఎముకలు బలంగా ఉండాలంటే ఇలా చేయండి..!!
అన్నం తో కూడా ప్రకృతిసిద్ధమైన పండ్లు , కూరగాయలు ఇతర త్రునధన్యాలను ఆహారం గా ఆహారముగా తీసుకుని జీవించినట్లయితే శరీరానికి కావససిన అన్నిరకాల పోషకాలు లభిస్తాయి ... ఇదే అసలు ఉత్తమమైన జీవన విధానమని పకృతి వైద్యుల నమ్మకం.....ఆహారం జీవం ఉన్న ప్రతి జీవికి అత్యవసరమైనది. పిండిపదార్ధాలు, మాంసకృత్తులు, కొవ్వుపదార్ధాలు, ఖనిజలవణాలు, పీచుపదార్ధాలు, రోగనిరోధక శక్తికి కావలసిన విటమిన్లు మరియు శరీర పోషణకు రక్షణకు కావలసిన పదార్ధాలను కలిగిన పదార్దాలను ఆహారంగా పేర్కొనవచ్చు. ఇవి కాక శరీరానికి నూతన ఉత్సాహాన్నిచ్చే కాఫీ, టీ లాంటి వాటిని కూడా ఆహారపదార్ధాల కోవలోకి వస్తాయి. ఆహారం ఘన, ద్రవ రూపాలలో లభ్యం అవుతుంది.
క్యాల్షియం మన ఎముకల, దంతాల పటుత్వంలో కీలక పాత్ర పోషిస్తుంది. కండరాలు, కణాలు, నాడులు సరిగా పనిచేయటానికీ ఇది తోడ్పడుతుంది. అందుకే పెద్దవాళ్లు రోజుకి వెయ్యి మిల్లీగ్రాముల క్యాల్షియం తీసుకోవటం అవసరమని నిపుణులు సూచిస్తున్నారు. క్యాల్షియం ప్రధానంగా పాలు, పాల పదార్థాల నుంచి లభిస్తుంది. అయితే పాలు ఇష్టం లేనివారు, లాక్టోజ్‌ పడనివారి సంగతేంటి? ఆహారంలో కొన్ని పదార్థాలను చేర్చుకుంటే సరి. వీటితో క్యాల్షియంతో పాటు ఇతరత్రా విటమిన్లు, ఖనిజాలు కూడా లభిస్తాయి. అంజీర: ఎండిన అంజీర పండ్లను అరకప్పు తీసుకుంటే 121 మి.గ్రా. క్యాల్షియం లభించినట్టే. ఇందులో పొటాషియం, పీచు కూడా దండిగా ఉంటాయి. కండరాల పనితీరును, గుండెలయను నియంత్రించటం వంటి పలురకాల పనుల్లో పాలు పంచుకునే మెగ్నీషియమూ వీటితో లభిస్తుండటం విశేషం.
టోఫు: ప్రోటీన్‌తో పాటు క్యాల్షియంతో కూడిన ఇది శాకాహారులకు ఎంతగానో మేలు చేస్తుంది. సగం కప్పు టోఫులో 434 మి.గ్రా. క్యాల్షియం ఉంటుంది. బాదంపప్పు: ఆరోగ్యానికి మేలు చేసే పప్పుగింజల్లో (నట్స్‌) భాగమైన బాదం మంచి క్యాల్షియం వనరు. 30 గ్రాముల బాదంపప్పుతో 75 మి.గ్రా. క్యాల్షియం లభిస్తుంది. అయితే వీటిని పొట్టు తీయకుండా తినటం మంచిది. బాదంపప్పులో విటమిన్‌ ఈ, పొటాషియం కూడా ఉంటాయి. మితంగా తింటే చెడ్డ కొలెస్ట్రాల్‌ తగ్గటానికీ తోడ్పడతాయి. బెండకాయ: మలబద్ధకాన్ని నివారించే పీచుతో నిండిన బెండకాయలను ఒక కప్పు తింటే 82 మి.గ్రా. క్యాల్షియం అందుతుంది. అలాగే వీటిల్లో విటమిన్‌ బీ6, ఫోలేట్‌ వంటివీ ఉంటాయి.
నారింజ: ఒక పెద్ద నారింజ పండులో 74 మి.గ్రా. క్యాల్షియం ఉంటుంది. ఇందులో రోగనిరోధకశక్తిని పెంచే విటమిన్‌ సి కూడా పుష్కలంగా ఉండటంతో పాటు కేలరీలూ తక్కువే. సార్‌డైన్‌ చేపలు: వీటిని 120 గ్రాములు తీసుకుంటే 351 మి.గ్రా. క్యాల్షియం లభిస్తుంది. మెదడు, నాడీ వ్యవస్థల ఆరోగ్యానికి కీలకమైన విటమిన్‌ బీ12 కూడా అందుతుంది. క్యాల్షియం ఎముకల్లోకి ప్రవేశించటానికి తోడ్పడే విటమిన్‌ డి సైతం వీటిల్లో ఉంటుంది.